Visto pola sección segunda da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 02/0004834/1994, interposto por José Martínez Torea contra acordo do Consello da Xunta de Galicia do 29 de abril de 1993 (DOG do 10 de maio) e o acordo do Concello de Vigo do 14 de xuño de 1993 (BOP do 14 de xullo) pola que se aproba o proxecto de readaptación do Plan Xeral de Ordenación Urbana de Vigo e publicación das normas urbanísticas; dictouse sentencia 784/1997, do dezanove de xuño, agora firme, pola que se estimaba parcialmente o dito recurso.
Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdicción contencioso-administrativa, e co fin de levar a puro e debido efecto a dita sentencia, este departamento resolve dar publicidade á parte dispositiva da sentencia 784/1997, do 19 de xuño de 1997, que a seguir se transcribe:
«Decidimos: que, rexeitando a alegada causa de inadmisibilidade, debemos estimar e estimamos parcialmente o recurso contencioso-administrativo interposto por José Martínez Torea, contra acordos do Consello da Xunta de Galicia, do 29 de abril de 1993, e do Concello de Vigo publicado no BOP de Pontevedra do 14 de xullo de 1993, sobre aprobación definitiva do expediente de readaptación do Plan Xeral de Ordenación Urbana de Vigo, á Lei 11/1985, de adaptación da Lei do solo a Galicia e, en consecuencia, debemos anular e anulamos parcialmente o acto impugnado do 29 de abril de 1993
nos extremos destacados no fundamento de dereito oitavo desta sentencia; coa desestimación das restantes pretensións».
Santiago de Compostela, 1 de outubro de 2003.
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda