Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos nº 430/2003, por instancia de Emilio Rey Seijo e outro contra Palla Motor, S.L., sobre despedimento nos que recaeu sentencia con data do 24-9-2003 que, copiada nos seus particulares necesarios, di así:

«Decido que, estimando a demanda promovida por Emilio Rey Seijo e Manuel Javier López Santiago contra a empresa Palla Motor, S.L., debo declarar e declaro improcedente o despedimento efectuado ós demandantes en data 2-5-2003, condenando a demandada a que no prazo de cinco días contados desde a notificación desta resolución, opte entre a readmisión dos traballadores nas mesmas condicións que rexían antes de producirse o despedimento ou o aboamento das cantidades de 7.261,71 euros para o primeiro deles e 321,31 para o segundo, en concepto de indemnización e ó aboamento dos salarios deixados de percibir desde a data do despedimento e ata a readmisión, e que a día de hoxe ascenden á suma de 2.438,03 para Emilio Rey Seijo, e 4.742,13 para Manuel Javier López Santiago.

Así, por esta miña sentencia, contra a que se poderá recurrer en suplicación perante a Sala do Social do Tribunal Superior de Xustiza de Galicia, no prazo de cinco días contados a partir do seguinte ó da súa notificación, anunciando o propósito de presentalo mediante comparecencia ou por escrito, é indispensable que, ó tempo de anuncialo, o recorrente, se é empresario, exhiba diante deste Xulgado do Social o xustificante acreditativo de ter depositado na conta aberta no Grupo Banesto (Banco Español de Crédito, S.A. e Banco de Vitoria, S.A.) co número 5605 0000 60 0430 03, a cantidade obxecto de con

dena. Poderá substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non se poderá ter por anunciado o recurso e quedará firme a sentencia. Deberase consignar ademais, a cantidade de 150,25 euros na mesma conta, 5605 0000 65 0430 03 e entrega-lo xustificante na secretaría ó tempo de interpoñe-lo recurso, que se declarará desistido de non constitutírse este depósito na forma indicada. Definitivamente xulgando en primeira instancia, pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que sirva de notificación á empresa Palla Motor, S.L., expido e asino esta cédula na Coruña o 24 de setembro de 2003.

A secretaria xudicial

Rubricado