Dentro das actividades programadas para o ano 2003 en colaboración coa Deputación Provincial de Ourense, en virtude do convenio de formación asinado entre a Consellería de Xustiza, Interior e Administración Local e a Deputación Provincial de Ourense, anúnciase a celebración dun curso sobre intervención policial, que deberá desenvolverse conforme as seguintes bases:

Obxectivos.

Acadar un adecuado manexo dos medios materiais que se utilizan no eido da intervención policial, especialmente nos casos do establecemento de controis estáticos, na protección de personalidades e nas manifestacións e/ou espectáculos de masas, para consegui-las suficientes habilidades e destrezas que permitan unha mellor competencia profesional.

Publicación.

Esta actividade formativa, e tamén todas aquelas que se desenvolvan en colaboración coa Deputación

Provincial de Ourense, será obxecto de publicación no Diario Oficial de Galicia e no BOP de Ourense.

Destinatarios.

O curso vai dirixido ós membros dos corpos de policía local da provincia de Ourense.

Inscrición.

A inscrición dos participantes será totalmente gratuíta.

Prazas.

30 prazas.

Solicitudes.

1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.

2. O prazo para a presentación de instancias rematará o día 19 de novembro de 2003, ás 14.00 horas.

3. As instancias deberán enviarse á Deputación Provincial de Ourense, Departamento de Formación

Continua (fax: 988 38 52 15): rúa Progreso nº 30, 32003 Ourense; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas.

O curso realizarase en datas do 24 ó 28 de novembro e do 1 ó 4 de decembro de 2003.

O horario será de 17.00 a 20.20 horas.

Contido.

O curso desenvolverase en sesións de tarde, de luns a venres, e nel trataranse os seguintes módulos:

I. A comunicación.

II. Factores psicolóxicos nas situacións de risco.

III. Normas de seguridade con armas.

IV. Técnicas de autoprotección.

V. Protocolos de actuación operativa fronte a persoas armadas.

VI. Cacheo e rexistro policial.

VII. Actuación diante de artefactos explosivos.

VIII. Protocolo de actuación nas ameazas de bomba.

IX. Simulacro final de actuación diante de ameazas de bomba.

Relación de admitidos.

A relación de admitidos farase publica o día 21 de novembro a partir das 14.00 horas, tanto pola Deputación Provincial de Ourense como pola Academia Galega de Seguridade, e os interesados poden coñecer e confirma-la súa asistencia chamando ós teléfonos 986 59 00 21 (AGS) ou 988 38 51 42 (Departamento de Formación Continua da Deputación Provincial de Ourense).

Lugar.

O curso desenvolverase nas aulas do centro cultural da Deputación Provincial de Ourense sito na rúa Progreso nº 30.

Certificado de aproveitamento.

Ó remate do curso entregaráselles un certificado de aproveitamento a aquelas persoas que acrediten a súa participación continuada nel e superen as correspondentes probas de coñecementos.

Modificacións.

Tanto a Academia Galega de Seguridade como a Deputación Provincial de Ourense, se é o caso, poderán modifica-lo desenvolvemento do curso para adaptalo ás necesidades da Administración e ás continxencias que poidan xurdir.

A Estrada, 21 de outubro de 2003.

Juan José Fariñas-Ferro Rodríguez

Director xeral da Academia Galega de Seguridade