Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita:
Solicitante: Electra Alto Miño, S.A.
Domicilio social: Marqués de Valladares, 23-2º, 36000 Vigo.
Denominación: L.M.T. acometida a Bodega Limeres Rodríguez, S.A.
Situación: concello de Salvaterra de Miño.
Descricións técnicas: L.M.T. aéreo-subterránea a 20 kV, cun primeiro tramo subterráneo con conductor R.H.V. de 180 m de lonxitude, desde o apoio 29 da L.M.T. ó C.T. existente Porto-Mirón ata o apoio nº 1 da L.M.T. aérea proxectada, con conductor LA-56 de 648 m de lonxitude e un último tramo subterráneo desde o apoio 6 da L.M.T.A. proxecta ata o C.T. do abonado. A instalación está situada no lugar da Grela, Arantei, no concello de Salvaterra de Miño.
Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
Pontevedra, 29 de agosto de 2003.
P.A. (Resolución 22-7-2002)
Carmen Girón Daviña
Secretaria provincial de Pontevedra
