Aprobados polo Pleno do Concello, en sesión celebrada o día 10 de outubro de 2003, os pregos de cláusulas económico-administrativas e de prescricións técnicas para a redacción do Plan xeral de ordenación municipal, expóñense ó público por prazo de oito días.

Simultaneamente, anúnciase concurso con procedemento aberto e tramitación urxente para a contratación dos traballos de redacción do Plan xeral de ordenación municipal:

1. Entidade adjudicadora: Concello de Touro.

2. Obxecto: contratación dos traballos de redacción do Plan xeral de ordenación municipal.

3. Prazo de entrega e fases de execución: o adxudicatario entregará os traballos a través do rexistro xeral do concello, segundo o plan de fases de execución establecido na cláusula cuarta do prego.

4. Orzamento: 110.082,80 euros, desagregado na seguintes anualidades:

5. Garantía provisional: 2% do orzamento, que ascende a 2.201,66 euros.

6. Garantía definitiva: 4% do prezo de adxudicación.

7. Información: Secretaría do Concello.

8. Requisitos específicos do contratista: os que figuran na cláusula novena do prego.

9. Proposicións: en horario das 9 ás 14 horas, dentro do prazo de oito días naturais, a contar desde o día seguinte ó da última publicación no Diario Oficial de Galicia ou no BOP.

10. Documentación: as proposicións presentaranse en 3 sobres denominados:

-Sobre A: oferta económica, conterá a oferta económica principal e as variantes que considere oportunas o licitador, formalizadas conforme o modelo que figura como anexo o prego de cláusulas.

-Sobre B: documentación xeral, conterá a documentación esixida na cláusula novena do prego.

-Sobre C: referencias técnicas, conterá a documentación acreditativa das referencias técnicas esixidas na cláusula novena do prego.

11. Lugar de presentación: rexistro xeral do concello.

12. Apertura de plicas: terá lugar ás 12 horas do segundo día hábil seguinte a aquel en que remate o prazo de presentación de proposicións.

Touro, 15 de outubro de 2003.

Ignacio Codesido Barreiro

Alcalde