O Decreto 50/2000, do 20 de xaneiro, que regula o recoñecemento das escolas de tempo libre, establece no seu artigo 59.1º que o recoñecemento das escolas de tempo libre e a aprobación dos seus programas de formación lle corresponde á Consellería de Familia, Xuventude e Voluntariado.

Examinado o expediente promovido por Ignacio Javier Bedoya Batres, en nome e representación da Escola de Tempo libre de Cáritas Diocesana de Ourense, no que solicita o recoñecemento e a aprobación dos programas de formación da Escola de Tempo Libre de Cáritas Diocesana de Ourense, a Dirección Xeral de Xuventude efectúa a proposta favorable ó recoñecemento solicitado, por ser conforme coa lexislación vixente, vistas as normas reguladoras desta materia (Decreto 50/2000, do 20 de xaneiro). Por todo isto,

DISPOÑO:

Primeiro.-Recoñecerlle á Escola de Tempo Libre de Cáritas Diocesana de Ourense a condición de escola de tempo libre, aprobando os programas de formación propostos para os niveis primeiro (monitores/as de actividades de tempo libre) e segundo (directores/as de actividades de tempo libre e directores/as de campos de traballo) fixados no Decreto 50/2000, do 20 de xaneiro.

Segundo.-Ordena-la inscrición da Escola de Tempo Libre de Cáritas Diocesana de Ourense no Rexistro de Escolas de Tempo Libre dependente da Dirección Xeral de Xuventude, correspondéndolle O número G-30.

Terceiro.-A Consellería de Familia, Xuventude e Voluntariado expedirá os títulos acreditativos correspondentes ás materias impartidas pola Escola de Tempo Libre de Cáritas Diocesana de Ourense, sempre de acordo co establecido no Decreto 50/2000, do 20 de xaneiro, quedando esta supeditada á supervisión e inspección ordenadas no artigo 59.2º do dito decreto.

Santiago de Compostela, 30 de xaneiro de 2003.

Pilar Rojo Noguera

Conselleira de Familia, Xuventude e Voluntariado