En data do 3 de abril de 2003, o presidente de Augas de Galicia dictou resolución no expediente DH.D15.15838, pola que se declara responsable a Grupo Gaper-I, S.A. da comisión dunha infracción administrativa de carácter menos grave, tipificada nos artigos 116 f) do texto refundido da Lei de augas e 316 g) do Regulamento do dominio público hidráulico, impoñendo unha sanción de 6.010,13 euros, e requirindo o interesado para que no prazo de dous meses proceda á impermeabilización dos seus depósitos de almacenamento de zurros.

Intentada a notificación da devandita resolución por correo certificado con aviso de recibo no domicilio que consta no expediente, foi retornada polos servicios de correos; tampouco foi posible a notificación persoal no devandito domicilio. Polo tanto, e de acordo co disposto no artigo 59.5º da Lei 30/1992, de réxime xurídico das administracións públicas e do procedemento administrativo común, mediante este anuncio notifícaselle a devandita resolución ó interesado, facéndolle saber que unha copia dela, xunto co impreso para o pagamento da sanción imposta, se atopa á súa disposición nas oficinas de Augas de Galicia (praza de Camilo Díaz Baliño 7-9, Santiago de Compostela); que contra ela pode interpoñer recurso de alzada perante o conselleiro de Medio Ambiente no prazo dun mes contado desde o día seguinte ó da publicación deste anuncio no Diario Oficial de Galicia; e que, no caso de non pagamento da sanción sen interposición do recurso, se procederá á súa exacción pola vía de

constrinximento.

Santiago de Compostela, 7 de outubro de 2003.

Antonio N. López Grueiro

Xefe da Área de Vertidos