Para os efectos previstos na Lei 54/1997, do 27 de novembro (BOE nº 285), do sector eléctrico e polo Real decreto 1955/2000, do 1 de decembro, sobre autorización de instalacións eléctricas, Decreto 442/1990, do 13 de setembro, de avaliación do impacto ambiental para Galicia (DOG nº 188), Lei 6/2001, do 9 de maio, de modificación do Real decreto lexislativo 1302/1986, do 28 de xuño, de avaliación de impacto ambiental (BOE nº 241), Decreto 80/2000, do 23 de marzo (DOG nº 75), polo que se regulan os plans e proxectos sectoriais de incidencia supramunicipal, Decreto 2818/1998, do 3 de decembro, sobre producción de enerxía eléctrica por instalacións abastecidas por recursos ou fontes de enerxías renovables, residuos e coxeración e o Decreto 302/2001, do 25 de outubro (DOG nº 235), polo que se regula o aproveitamento da enerxía eólica

en Galicia, se somete a información pública a solicitude de autorización administrativa, aprobación do modificado do proxecto de execución, aprobación do proxecto sectorial de incidencia supramunicipal, declaración de utilidade pública, estudio de impacto ambiental e inclusión no réxime especial de producción de enerxía eléctrica da instalación eléctrica que se cita:

Solicitante: Gamesa Energía, S.A.

Domicilio social: avda. do Couceiro da Coruña 210 A, 15705 Santiago de Compostela.

Denominación: parque eólico ampliación Pedregal Tremuzo.

Municipios afectados: Muros (A Coruña).

Potencia que se vai instalar: 14 MW.

Características técnicas:

7 aeroxeradores de 2.000 kW de potencia nominal unitaria montados sobre fuste tubular metálico de 60-78 m de altura e rotores de 3 pás de 80 m de diámetro.

7 transformadores, situados no interior dos fustes de 2.100 kVA e tensións de 0,69/20 kV.

Rede eléctrica subterránea de media tensión a 20 kV realizada en conductor R.H.Z. 1 15/25 kV de 3x1 (1x300) mm Al, para interconexión dos aeroxeradores e evacuación ata paso aéreo-subterráneo.

Rede eléctrica aérea de media tensión a 20 kV realizada en conductor LA-280 de 1.600 m de lonxitude, con orixe no apoio metálico de celosía, para paso aéreo-subterráneo (que se vai instalar) discorrendo polo segundo circuíto previsto na L.A.T.

66 kV SE Pedregal-Tremuzo-SE Mazaricos, propiedade da empresa Gamesa, S.A. (expediente 288/99) e final na SE de PE Pedregal Tremuzo (expediente 1/99), propiedade da sociedade Sistemas Energéticos Muros-Outes, S.A.

1 cela blindada de 20 kV con illamento de SF, equipo de protección e medida, para instalar na SE do PE Pedregal-Tremuzo propiedade de Sistemas Energéticos Muros-Outes, S.A.

O que se fai público para xeral coñecemento e especialmente dos propietarios e demais titulares afectados dos que se insire relación no anexo desta resolución, así como das persoas que sendo titulares de dereitos reais ou intereses económicos sobre os bens afectados fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, sita no edificio administrativo de Monelos, s/n, 15071 A Coruña, e presenta-las súas alegacións no prazo de trinta días, a partir da última publicación.

Esta publicación faise igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e deste xeito dirixir ó ministerio fiscal as dilixencias que se produzan sobre estes, de conformidade co artigo 5 da Lei de expropiación forzosa, de decembro de 1955.

A Coruña, 2 de outubro de 2003.

Jesús Espada Martínez

Delegado provincial da Coruña

ANEXO

Relación de bens e dereitos afectados

Parque eólico ampliación Pedregal Tremuzo.