Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 345/2002, por instancia de Juan José Domato Saavedra e outros, contra Germán Urones, S.A., sobre cantidade, nos que se dictou sentencia no 24-1-2003. Esta sentencia, copiada nos particulares necesarios, di:
«Que estimando a demanda promovida por Juan José Domato Saavedra, Emerio Miranda López e José Luis Cambre Álvarez contra Germán Urones, S.A., debo condenar e condeno a demandada a que aboe ós demandantes, por tódolos conceptos reclamados na demanda, as cantidades seguintes: a Juan José Domato Saavedra: 12.800,28 euros; a Emerio Miranda López 14.231,16 euros, e a José Luis Cambre Álvarez 10.753,20 euros.
Contra esta sentencia poderase recorrer en suplicación para ante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación; o propósito de presentalo anunciarase mediante com
parecencia ou por escrito, sendo indispensable que no momento de anuncialo, o recorrente, se for empresario, exhiba ante este xulgado do social o comprobante de ter depositado na conta deste xulgado aberta no Grupo Banesto (Banco Español de Crédito, S.A. e Banco de Vitoria, S.A.), co nº 5.065 0000 60 0345, a cantidade obxecto da condena, a consignación en metálico pode ser substituída polo aseguramento mediante aval bancario, no que se deberá facer consta-la responsabilidade solidaria do avalista, sen este requisito no se poderá ter por anunciado o recurso e ficará firme a sentencia. Ademais, débese consignar na mesma conta 5.605 0000 65 0345 a cantidade de 150,25 A, entregando o comprobante na secretaría cando se interpuxer o recurso. Declararase a desistencia se non se constituír o depósito na forma indicada.
Así o pronuncio, mando e asino por esta miña sentencia, xulgando definitivamente en primeira instancia».
E para que conste, para efectos da súa publicación no Diario Oficial de Galicia, a fin de que sirva de notificación en forma á empresa Germán Urones, S.A., expido e asino esta cédula na Coruña o 17 de setembro de 2003.
O secretario xudicial
Rubricado