A orde da Consellería de Innovación, Industria e Comercio do 17 de xullo de 2003 (DOG do 28 de xullo) convoca o premio Galicia á Innovación Empresarial, correspondente ós premios Galicia de Investigación 2003.
Na base quinta do artigo 1 da devandita orde establécese a composición do xurado. Na súa virtude, e de acordo coas propostas das institucións correspondentes, cómpre proceder ó nomeamento dos membros do xurado. Polo que antecede, esta consellería
DISPÓN:
Artigo único.-Nomear membros do xurado do premio Galicia á Innovación Empresarial, correspondente ós premios Galicia de Investigación 2003, as persoas que de seguido se relacionan:
Presidente: Pedro Merino Gómez, director xeral de Investigación e Desenvolvemento.
Vocais:
-Manuel Balseiro González, director da Fundación Empresa-Universidad Gallega (Feuga).
-Manuel Castro Pérez, subdirector de Difusión Tecnolóxica e Plans Estratéxicos Empresariais do Instituto Galego de Promoción Económica (Igape).
-Antonio Fontenla Ramil, presidente da Confederación de Empresarios de Galicia (CEG).
-José Manuel González González, director xeral de Tecnoloxía e Desenvolvemento Sectorial da Consellería de Innovación, Industria e Comercio.
Secretario: José Manuel Cotos Yánez, subdirector xeral de Planificación e Xestión Técnica da Dirección Xeral de Investigación e Desenvolvemento, que actuará con voz pero sen voto.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 8 de outubro de 2003.
Juan Rodríguez Yuste
Conselleiro de Innovación, Industria e Comercio