A orde da Consellería de Innovación, Industria e Comercio do 17 de xullo de 2003 (DOG do 28 de xullo) convoca o premio Antonio Casares y Rodrigo de Investigación Científico-Técnica e o premio para Investigadores Mozos (área científico-técnica), correspondentes ós premios Galicia de Investigación 2003.
Na base sexta do artigo 1 da devandita orde establécese a composición do xurado. Na súa virtude, e de acordo coas propostas das institucións correspondentes, cómpre proceder ó nomeamento dos membros do xurado. Polo que antecede, esta consellería
DISPÓN:
Artigo único.-Nomear membros do xurado do premio Antonio Casares y Rodrigo de Investigación Científico-Técnica e do premio para Investigadores Mozos (área científico-técnica), correspondentes ós premios Galicia de Investigación 2003, as persoas que a seguir se relacionan:
Presidente: Enrique Otero Huertas, catedrático da Universidade Rey Juan Carlos I de Madrid.
Vocais:
-Eduardo García-Rodeja Gayoso, vicerrector de Investigación e Innovación da Universidade de Santiago de Compostela.
-Manuela Juárez Iglesias, vicepresidenta do Consello Superior de Investigación Científica (CSIC).
-Salustiano Mato de la Iglesia, vicerrector de Investigación da Universidade de Vigo.
-Alejandro Pazos Sierra, vicerrector de Investigación da Universidade da Coruña.
-Edelmiro Rúa Álvarez, director da Escola de Camiños, Canles e Portos da Universidad Politécnica de Madrid.
-Ernesto Vieites Cortizo, presidente da Real Academia Galega das Ciencias.
Secretario: Benito R. Fernández Rodríguez, subdirector xeral de Xestión Administrativa e Económica da Dirección Xeral de Investigación e Desenvolvemento, que actuará con voz pero sen voto.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 8 de outubro de 2003.
Juan Rodríguez Yuste
Conselleiro de Innovación, Industria e Comercio