Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Electra Alto Miño, S.A.
Domicilio social: Marqués de Valladares, 23, 36280 Vigo.
Denominación: L.M.T., C.T. edificio Lagüela.
Situación: concello de Salceda de Caselas.
Descricións técnicas: L.M.T. subterránea a 15/20 kV con conductor R.H.V. de 175 m de lonxitude, desde o apoio 6 da L.M.T. circunvalación Salceda ata o C.T. que se proxecta, de 250 kVA, R.T. 15/20 kV-230/420 V, situado nas inmediacións do edificio Lagüela, estrada de acceso Salceda a vía rápida O Porriño, no concello de Salceda de Caselas.
Enviado para o seu condicionado á Confederación Hidrográfica del Norte quen nos comunica que dispón dun prazo de seis meses para a súa resolución e tendo en conta que a autorización desta consellería é independente de calquera outra autorización e cumpridos os trámites ordenados na Lei 54/1997, do 27 de novembro, e no capítulo II do R.D. 1955/2000, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode
interpor calquera outro recurso que se considere pertinente.
Pontevedra, 27 de agosto de 2003.
P.A. (Resolución do conselleiro do 22-7-2002)
Mª del Carmen Girón Daviña
Secretaria provincial de Pontevedra