Juan Rey Pita, secretario do Xulgado do Social número tres da Coruña, dou fe e certifico que neste xulgado séguense autos nº 105/2003 por instancia

de David Bordallo Fernández e Outros contra Counter Lab, S.L. e outros sobre despedimento, nos que recaeu sentencia en data 30 de xuño de 2003 que copiada nos particulares necesarios di así:

«Que estimando a demanda formulada por David Bordallo Fernández, Óscar Luis Bordallo Fernández, Ángel Luis Domingo Velasco, María Moira Marugan García e Raquel Pintor Buyo, declaro a improcedencia do seu despedimento e condeno a empresa Counter Lab, S.L., a que á súa elección, para efectuar no prazo de cinco días, os readmita no seu posto e condicións de traballo ou os indemnice coa cantidade de 18.676,37 euros a David Bordallo Fernández, 21.428,82 euros a Óscar Luis Bordallo Fernández, 22.983,16 euros, a Ángel Luis Domingo Velasco, 12.521,02 euros a María Moira Marugan García e 5.033,90 euros a Raquel Pintor Buyo, así como aboarlles en concepto de salarios de tramitación a cantidade de 11.304,94 euros a Bordallo Fernández David, 8.439,61 euros a Bordallo Fernández Óscar, 7.037,47 euros a Domingo Velasco, 4.001,72 euros a Moira Marugan e 5.490,3 euros a Pintor Buyo. Absolvo da demanda as codemandadas Vermelab, S.L. e Clínica Médica e Laboratorio, S.L.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.

Previndo á empresa demandada que para recorrer deberá acreditar ter ingresado na c/c de consignacións código 5604.0000.60 0105.03 de Banesto desta cidade denominada Conta do Xulgado do Social número tres o importe da condena e 150,25 euros en concepto de depósito, sen os cales requisitos non será admitido a trámite o recurso quedando firme a sentencia.

Así mesmo advírtese á parte demandada que se fai uso de tal dereito tendo optado pola readmisión, durante a substanciación do procedemento deberá aboar á parte demandante o mesmo salario que debería percibir, estando obrigada esta a presta-los seus servicios á demandada, a menos que a prefira facer uso de tal aboamento sen percibir compensación ningunha por parte da demandante.

Así por esta miña sentencia da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste para efectos da súa publicación no Diario Oficial de Galicia co fin de que sirva de notificación en forma a Counter Lab, S.L., expido e asino esta cédula.

A Coruña, 3 de setembro de 2003.

O secretario xudicial

Rubricado