Dentro dos programas de actividades que a Academia Galega de Seguridade ten previsto realizar no ano 2003, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a realización dun curso sobre transportes, segundo o previsto no artigo 23 da Lei 3/1992, do 23 de marzo, de coordinación das policías locais, que deberá desenvolverse conforme as seguintes bases:
Obxectivos.
-Actualiza-los membros dos corpos e forzas de seguridade nos coñecementos e normativa necesarios que lles poidan ser útiles no desempeño posterior do seu labor profesional.
Destinatarios.
O curso vai dirixido ós membros dos corpos de Policía Local de Galicia e os membros da Unidade do CNP adscrita á Comunidade Autónoma de Galicia; e no caso de quedaren prazas vacantes, ós membros do Corpo Nacional de Policía e Garda Civil.
Inscrición.
A inscrición dos participantes será totalmente gratuíta.
Prazas.
Sen límite.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 28 de outubro de 2003, ás 14.00 horas.
3. As instancias deberán enviarse á Academia Galega de Seguridade; avenida da Cultura, s/n, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso desenvolverase do 3 ó 7 de novembro de 2003.
O horario será de 16.00 a 20.00 horas.
Contido.
No curso desenvolveranse os seguintes módulos:
-I. Ámbito e normativa de aplicación. Clasificación. Títulos habilitantes. Distintivos.
-II. Transporte de mercadorías perigosas.
-III. Aparato de control tacógrafo. Tempos de conducción e descanso.
-IV. Prestación de servicios: transporte escolar, mercadorías perecedoiras, taxis, etc.
-V. Práctica de inspección e procedemento sancionador. Documentos de control.
Relación de admitidos.
A relación de admitidos publicarase o mesmo día 30 de outubro a partir das 14.00 horas, no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.
Lugar.
Sede da Academia Galega de Seguridade, sita na avda. da Cultura, s/n, no concello da Estrada.
Certificado de aproveitamento.
Ó remate do curso entregaráselles un certificado de aproveitamento a aquelas persoas que acrediten a súa participación continuada a el e que superen as correspondentes probas de coñecementos.
Modificacións.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 25 de setembro de 2003.
Juan José Fariñas-Ferro Rodríguez
Director xeral da Academia Galega de Seguridade