Visto o expediente para outorgamento de autorización administrativa, aprobación do proxecto de execución e declaración de utilidade pública, en concreto, das instalacións eléctricas que a seguir se detallan:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: reforma L.A.T. 66 kV Tambre-A Grela.

Situación: Arteixo, Negreira, Brión e Noia.

Características técnicas: variante de liña de alta tensión a 66 kV entre os apoios números 48 ó 50 e 52 ó 67, debido ó trazado da autoestrada A Coruña-Carballo, nunha lonxitude de 3.178 m, conductor Al-aéreo, tipo 18,2 mm de 196,4 mm cadrados de sección e apoios metálicos. Termo municipal de Arteixo.

Reforma da liña de alta tensión a 66 kV central do Tambre á subestación A Grela, coa instalación de novos apoios metálicos entre os apoios 332 e 410. Termos municipais de Negreira, Brión e Noia.

O expediente someteuse ós trámites ordenados na Lei 54/1997, do 27 de novembro (BOE nº 285), do sector eléctrico, e no título VII do Real decreto do 1 de decembro (BOE nº 310), sobre autorización de instalacións de enerxía eléctrica.

Vista a Lei 54/1997, do 27 de novembro, e o Real decreto 1955/2000, do 1 de decembro, esta delegación provincial resolve:

Autorizar, aproba-lo proxecto de execución e declarar de utilidade pública, en concreto, as devanditas instalacións, nas que as características se axustarán en tódalas súas partes ás que figuran no anteproxecto e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a un ano, contado a partir da data desta resolución.

A declaración de utilidade pública leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que coide pertinente ó seu dereito.

A Coruña, 23 de setembro de 2003.

Jesús Espada Martínez

Delegado provincial da Coruña