Con data 5 de agosto de 2003, a instructora do procedemento dictou proposta de resolución do expediente sancionador nº 77/2003 incoado na Delegación Provincial da Consellería de Sanidade da Coruña a Novas y Mar Especialidades, S.L.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícaselle a Novas y Mar Especialidades, S.L. o contido da dita proposta que figura como anexo, para que poida ter coñecemento dela.
Así mesmo, fáiselle sabe-lo dereito que a asiste, ó abeiro do disposto no numero 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados desde o seguinte ó da publicación da presente cédula, lembrándolle o seu dereito a consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña e obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
A presente cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 30/1992, do 26 de novembro.
A Coruña, 19 de setembro de 2003.
Jorge Suanzes Hernández
Delegado provincial da Coruña
ANEXO
Nº expediente: 77/2003.
Denunciado: Novas y Mar Especialidades, S.L.
DNI/NIF: B-15738867.
Último enderezo coñecido: Muíños de Naia. Os Campóns. Cambre.
Feito imputado: infracción á lexislación aplicable en materia sanitaria.
Precepto/s presuntamente infrinxido/s: art. 35.B.4 da Lei 14/1986, xeral de sanidade; arts. 2.3º.4 do R.D. 1945/1983, sobre infraccións e sancións en materia de defensa do consumidor e da producción agroalimentaria.
Tipificación provisional: grave.
Sanción proposta: 3.005,07 A (tres mil cinco euros con sete céntimos).
