Por Orde do 30 de abril de 2003 (DOG do 9 de maio) convocáronse axudas para a contratación de doutores en organismos públicos de investigación da Comunidade Autónoma de Galicia (programa Isidro Parga Pondal).

Conforme o disposto nas bases da convocatoria desde o 7 ó 17 de xullo expuxéronse as listas das solicitudes admitidas e excluídas, podendo durante ese período os interesados formularen reclamacións para emendar erros e falta de documentos.

Rematado ese prazo e estudiadas as reclamacións presentadas, as solicitudes admitidas foron obxecto

de avaliación e selección de acordo co procedemento establecido no artigo 6 da orde de convocatoria.

En consecuencia, atendendo a proposta elaborada pola Comisión de Selección de Investigación, creada por Decreto 37/1998, do 30 de xaneiro (Diario Oficial de Galicia do 6 de febreiro), e orde da Consellería de Innovación, Industria e Comercio do 11 de marzo de 2003 (DOG do 19 de marzo), esta consellería

RESOLVE:

Primeiro.-Concederlles axudas ás persoas que se relacionan no anexo I da presente resolución, para a súa contratación por parte dos organismos que en cada caso se indican. Para os efectos da formalización dos contratos, os candidatos seleccionados deberán poñerse en contacto co correspondente organismo e ámbalas dúas partes deberán ter en conta o prazo establecido no punto segundo desta resolución.

Segundo.-Os organismos correspondentes deberán certificar antes do 16 de outubro a incorporación dos candidatos seleccionados e o inicio da súa actividade investigadora. Aqueles contratos non formalizados antes do 16 de outubro entenderanse como renuncias dos beneficiarios á axuda concedida, agás casos excepcionais debidamente xustificados.

Terceiro.-No caso de producirse algunha renuncia ás axudas ás que se refire o anexo I da presente resolución, a Dirección Xeral de Investigación e Desenvolvemento procederá, se é o caso, e tendo en conta o saldo de crédito dispoñible no correspondente expediente, a adxudicárlle-la dita axuda a outros candidatos de acordo coa lista de suplentes elaborada pola Comisión de Selección de Investigación e que se inclúe no anexo II desta resolución. A asignación farase pola mesma orde na que se relacionan sendo necesario para que o suplente obteña a axuda que optase a algunha praza que se encontre vacante.

Cuarto.-A inobservancia por parte dos beneficiarios de calquera das obrigas establecidas nas bases da convocatoria suporá a perda do dereito a percibi-la subvención correspondente.

Quinto.-As solicitudes que non figuran relacionadas nos anexos I e II desta resolución e que foron admitidas para participar nesta convocatoria, enténdese que quedan denegadas.

Sexto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 25 de setembro de 2003.

P.D. (Orde 21-1-2003, DOG do 27 de xaneiro)

Jesús Vázquez San Luis

Secretario xeral da Consellería de Innovación,

Industria e Comercio

ANEXO I

ANEXO II

CONSELLERÍA DE FAMILIA, XUVENTUDE, DEPORTE E

VOLUNTARIADO