Mediante a Orde do 23 de abril de 2003 (Diario Oficial de Galicia do 12 de maio) convocáronse e aprobáronse as bases que rexen o concurso público de axudas a estudiantes con residencia fóra da Comunidade Autónoma de Galicia con aproveitamento académico excelente, que se incorporen por primeira vez ó sistema universitario de Galicia no curso 2003-2004.
De acordo co establecido no artigo 8 das bases da convocatoria, desde o día 17 ó día 31 de xullo de 2003, expuxéronse as listas de solicitudes admitidas e excluídas, podendo durante ese mesmo prazo os interesados formula-las reclamacións para emendar erros e falta de documentos perante a Dirección Xeral de Universidades.
Rematado este prazo, as solicitudes admitidas foron estudiadas pola comisión avaliadora nomeada na propia orde de convocatoria.
Na súa virtude, de acordo co establecido nas bases da convocatoria, e atendendo ó informe-proposta elevado pola citada comisión avaliadora a través da Dirección Xeral de Universidades, esta consellería
RESOLVE:
Artigo 1º
Facer pública a relación de candidatos que obtiveron axuda e que se relacionan no anexo I da presente orde e na contía que se especifica.
Artigo 2º
Denegarlles axudas ós solicitantes que se relacionan no anexo II da presente orde, polas causas que nel se especifican.
Artigo 3º
Os beneficiarios están obrigados a cumpri-las normas establecidas na orde de convocatoria e a súa
concesión queda, así mesmo, condicionada ó cumprimento dos requisitos establecidos nas devanditas disposicións.
Artigo 4º
Contra a presente orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 24 de setembro de 2003.
Celso Currás Fernández
Conselleiro de Educación e Ordenación
Universitaria
ANEXO I
NÚM. EXPED. DNI/CIF SOLICITANTE CONCEDIDO
2003/000001-0 76944745Q MASEDA GARCÍA, TANIA 2.605,00 2003/000003-0 72498843Z EGIA LARRINAGA, NEREA 2.905,00 2003/000004-0 72066836Q HOYOS GUTIÉRREZ, MARÍA 2.605,00 2003/000005-0 78853892W WARREN IGLESIAS, DEVON 2.905,00 2003/000006-0 32887300Z GONZÁLEZ DÍAZ, BÁRBARA 2.805,00
TOTAL 13.825,00
ANEXO II
NÚM. EXPED. DNI/CIF SOLICITANTE MOTIVO DENEGACIÓN
2003/000002-0 50221046V ÁLVAREZ NAVARRETE, FEDERICO CRISTO NON ACADAR PUNTUACIÓN 2003/000007-0 44474376N PÉREZ LABRADOR, XIANA FÓRA DE PRAZO 2003/000008-0 71879248Q ÁLVAREZ BARRIL, BELARMINO FÓRA DE PRAZO