O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 29 de novembro de 2000, acordou inicia-los trámites para a clasificación, como veciñal en man común, dos seguintes montes:

Concello: Soutomaior.

A favor de: A Devesa de Arcade.

Nome do monte: Douro e Grande.

Cabida: 28.200 m (superficie alegada na solicitude).

Estado forestal: fieital/herbazal, con pés perimetrais de fustal de Pinus pinaster. Obsérvase aproveitamento de esquilmos e furoneo en piñeiro.

Servidumes: camiños de servicio e voo de liña eléctrica de baixa tensión.

Lindes:

Norte: predios particulares de Nicanor Reguera Alján, Palmira Álvarez e outros e camiño.

Leste: predios particulares de Dolores Reguera Vidal e outros.

Sur: monte veciñal en man común de Arcade de Arriba.

Oeste: predios particulares de Amador Fernández, Antonio Reguera e outros e camiño.

Nome do monte: As Devesas.

Cabida: 17.300 m (superficie alegada na solicitude).

Estado forestal: fieital con pés illados de Pinus pinaster e Quercus robur.

Ocupacións e servidumes: vertedoiro, apoio e voos de liñas de alta tensión, camiño de servicio.

Lindes:

Norte: estrada Arcade-Pontecaldelas.

Leste: predios particulares de Carmen Martínez, Nicanor Reguera e outros.

Sur: camiño.

Oeste: predios particulares de María Lorenzo, Esperanza Vilar e outros.

Nome do monte: O Copre e Salgueirón.

Cabida: 82.300 m (superficie alegada na solicitude).

Estado forestal: matogueira de silva e canraveiral con pés illados de Pinus pinaster.

Servidumes e ocupacións: apoios e voo de liñas de alta, media e baixa tensión. 2 torres de telefonía móbil. Vertedoiro e entulleira. Camiños de servicio.

Lindes:

Norte: predios particulares e monte veciñal da propia comunidade da Devesa.

Leste: predios particulares e monte veciñal da CMVMC de Pedreira.

Sur: estrada Arcade-Ponte Caldelas e camiño.

Oeste: monte veciñal da propia comunidade da Devesa.

O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte ó da publicación deste anuncio para que se poida examina-lo expediente e aducir perante este tempo o que se estime procedente en relación co monte de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 2 de setembro, polo que se aproba o regulamento para a execución da dita lei.

Pontevedra, 29 de xullo de 2003.

José Antonio López Rodríguez

Presidente do Xurado Provincial de Clasificación de Montes Veciñais en Man Común de Pontevedra