Juan Rey Pita, secretario en funcións do Xulgado do Social número catro da Coruña, dou fe e certifico que neste xulgado se seguen autos número 741/2002, por instancia de Juan Casalderrey Piedras, Víctor Casalderrey Andrade e Juan Casalderrey Andrade contra Construcciones Image, S.A. e a empresa Acea

da Ma, S.L., sobre salarios nos que recaeu sentencia en data 7 de xullo de 2003 que, copiada nos particulares necesarios, di así:

«Decido que estimando a demanda promovida por Juan Casalderrey Piedras, Víctor Casalderrey Andrade e Juan Casalderrey Andrade, contra as empresas Acea da Ma S.L. e Imaga Proyectos y Construcciones, debo condenar e condeno a estas ó aboamento dos demandantes das cantidades reclamadas en demanda, polos conceptos de salarios de 3 días de xuño, 10 de xullo, parte proporcional de vacacións do ano 2002, e ademais á empresa Acea da Ma, S.L. a que aboe ós demandantes as cantidades reclamadas en concepto de indemnización fin de obra.

Notifíqueselles esta resolución ás partes e fágaselles saber que, contra esta, non cabe recurso ningún.

Así, por esta miña sentencia, definitivamente xulgando en primeira instancia, o pronuncio, mando e asino».

E para que conste, para efectos da súa publicación no Diario Oficial de Galicia, co fin de que sirva de notificación á empresa Acea da Ma, S.L., expido e asino esta cédula na Coruña, 1 de setembro de 2003.

Juan Rey Pita

Secretario xudicial

CONSELLERÍA DE POLÍTICA TERRITORIAL, OBRAS PÚBLICAS

E VIVENDA