De conformidade co disposto no artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselle á persoa que no anexo se menciona, a resolución do expediente sancionador por infracción á Lei 10/1998, do 21 de abril, de residuos.
Non obstante, de acordo cos arts. 107, 114 e 115 da Lei 4/1999, de modificación da Lei 30/1992, do 26 de novembro, contra esta resolución que non esgota a vía administrativa, poderá interpor recurso de alzada perante o conselleiro de Medio Ambiente no prazo dun mes contado desde o día seguinte ó da presente publicación.
O pagamento voluntario porá fin ó expediente. O importe da sanción que en cada caso corresponda, farase efectiva empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia no prazo de quince días hábiles contados a partir do día seguinte a aquel en que a presente resolución adquira firmeza - a firmeza producirase ó non interpoñer recurso no prazo indicado-. De non facelo dentro do prazo sinalado, procederase ó seu cobramento pola vía de constriximento.
Ourense, 22 de xullo de 2003.
Agustín Prado Verdeal
Delegado provincial de Ourense
ANEXO
Expediente: OU-007/03-RE.
Denunciado: Copers Hispania, S.L.
Derradeiro enderezo coñecido: rúa nº 3, polígono industrial de San Cibrao das Viñas. 32911. San Cibrao das Viñas.
Feito probado: queima de residuos: plásticos, discos de radiais, palés de madeira, bidóns, filtros, mangueiras e algunha roda.
Precepto infrinxido e sancionador: artigo 34.4º c) en relación co artigo 34.3º b) da Lei 10/1998, do 21 de abril, de residuos.
Sanción: multa de 150,25 A, e a obriga de repoñe-las cousas ó seu estado anterior á infracción cometida.