Francisco Quintela Requeijo, alcalde-presidente do Concello de Coirós (A Coruña), en virtude das atribucións conferidas polo artigo 21.1º j) da Lei 7/1985, do 2 de abril, reguladora das bases de réxime local,

RESOLVO:

Primeiro.-Aprobar inicialmente o proxecto de expropiación para a execución do polígono 1 do plan parcial do parque empresarial de Coirós, redactado por Ernesto Loureiro Andújar por instancia do beneficiario da expropiación Xestión Urbanística de A Coruña, S.A.

Segundo.-Optar, para a execución do citado proxecto, polo procedemento de taxación conxunta.

Terceiro.-Somete-lo citado proxecto ó trámite de información pública polo prazo dun mes, mediante a inserción dos correspondentes anuncios en prensa e diarios oficiais, así como remitir notificacións persoais ós que neste momento aparecen como interesados, para que durante o dito prazo poidan consulta-lo proxecto de expropiación nas dependencias municipais, de luns a venres de 9.00 a 14.00 horas, e presentar cantas alegacións coiden convenientes, en particular no que se refire á titularidade e valoración dos seus respectivos dereitos.

Cuarto.-Os mencionados edictos servirán de notificación nos termos do artigo 59 da Lei de réxime xurídico das administracións públicas e do procedemento administrativo común, para todos aqueles propietarios e interesados directamente afectados que, por resultaren descoñecidos ou ignorándose o seu enderezo, non poidan ser notificados personalmente no trámite de información pública.

Coirós, 12 de setembro de 2003.

Francisco Quintela Requeijo

Alcalde

ANEXO

Relación de propietarios e bens e dereitos

afectados pola expropiación para a execución

do parque empresarial de Coirós