A Comisión de Goberno, en sesión realizada o 29 de agosto de 2003, adoptou, entre outros, o seguinte acordo:
Primeiro.-Aprobar inicialmente o documento de modificación puntual do Plan Especial de Protección en Reforma Interior da Cidade Vella e Pescadería no inmoble situado no número 4 da rúa Real, redactado por técnicos municipais.
Segundo.-Solicitar da Consellería de Cultura, Comunicación Social e Turismo o informe sobre o documento de modificación puntual.
Terceiro.-Somete-lo documento a información pública por prazo dun mes mediante anuncio que se publicará no Diario Oficial de Galicia e en dous dos xornais de maior circulación da provincia, neste último caso, o anuncio deberá publicarse en dous días consecutivos.
Cuarto.-Dilixencia-los exemplares de modificación puntual.
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes, durante o prazo dun mes, contado a partir do día seguinte ó da publicación deste anuncio no Diario Oficial de Galicia. O expediente pode consultarse na oficina de información do Servicio de Urbanismo (rúa do Parque, s/n), en horario laboral das 12.00 ás 13.30 horas, de luns a venres.
A Coruña, 8 de setembro de 2003.
José Luis Méndez Romeu
Concelleiro delegado de Urbanismo