Eu, Jaime Balado Yánez, secretario xudicial do Xulgado do Social número dous da Coruña, dou fe e testemuño que nos autos seguidos ante este xulgado

do Social, tramitados baixo o número 564/2003, por instancia de Celso Fernández Mosquera contra a empresa Talleres Fernández y Mosquera, S.L. sobre despedimento, dictouse a seguinte

Sentencia. Na cidade da Coruña, o vinteún de agosto de dous mil tres. Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuizo número 564/2003, seguidos por instancia de Celso Fernández Mosquera, maior de idade, asistido por Daniel Pereiro Cachaza, contra a empresa Talleres Fernández y Mosquera, S.L., que non compareceu nos autos, e coa intervención do Fondo de Garantía Salarial, representado e asistido pola letrada Enma Pérez Díez del Corral, sendo o obxecto da reclamación despedimento.

Seguen feitos e fundamentos de dereito.

Decido: que debo desestimar e desestimo a demanda interposta por Celso Fernández Mosquera contra a empresa Talleres Fernández y Mosquera, S.L., coa intervención do Fondo de Garantía Salarial, e absolvo a empresa dos pedimentos contidos na demanda.

Notifíqueselles esta resolución ás partes, ás que se lles fará saber que contra ela cabe só recurso de suplicación ante o Tribunal Superior de Xustiza de Galicia, que se anunciará ante esta xulgado no prazo de cinco días contado a partir da notificación desta sentencia, do que coñecerá no caso a Sala do Social do Tribunal Superior de Xustiza de Galicia, tal como establece o artigo 188 do texto refundido da lei, aprobado polo Real decreto lexislativo 2/1995, do 7 de abril.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que sirva de notificación á empresa, que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña, o vinteún de agosto de dous mil tres.

Jaime Balado Yánez

Secretario xudicial