Para os efectos previstos na Lei 54/1997, do 27 de novembro (BOE nº 285), do sector eléctrico, e

no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T., R.B.T. Texexe.

Situación: Teo.

Descricións técnicas: liña eléctrica subterránea de media tensión a 20 kV, baixo tubo e con conductor R.H.V. 12/20 kV de 3 (1x240) mm Al de 992 m de lonxitude, con orixe no tramo de liña existente entre o C.T. Igrexa Calo e o C.T. Mouromorto e final no C.T. Texexe, que se vai instalar. Centro de transformación, tipo caseta prefabricado de formigón, de 160 kVA e tensións de 20/0,380-0,220 kV en Texexe, do que parte rede subterránea de baixa tensión de 49 m, en conductor R.V., que se conecta á rede existente. Concello de Teo.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 6 de agosto de 2003.

Manuel Estévez Mengotti

Delegado provincial da Coruña en funcións