De conformidade co disposto polo artigo 59.4º da Lei do 26 de novembro de 1992 (BOE do 27 de
novembro), de réxime xurídico das administracións públicas e do procedemento administrativo común, e no Decreto 14/2002, do 24 de xaneiro (DOG do 6 de febreiro), polo que se establece a estructura orgánica da Consellería de Medio Ambiente, notifícaselles ás persoas que no anexo se mencionan, que con esta data resolvín publica-lo acordo de iniciación do procedemento sancionador por infracción da Lei 7/1992, do 24 de xullo, de pesca fluvial de Galicia (DOG nº 151, do 5 de agosto), por non ser posible a notificación a través do servicio de correos.
Noméase instructora deste procedemento a Paloma Quiroga López e secretaria a Marta Joaquín Tersado, funcionarias desta delegación provincial, podendo ser recusadas en calquera momento da tramitación do expediente de concorre-los supostos legais.
Os interesados diporán dun prazo de quince días (15), contados a partir do seguinte ó da publicación desta notificación, para achegar, por escrito, cantas alegacións, documentos, informacións ou propostas de probas consideren convenientes en defensa dos seus dereitos.
Conforme o establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.
O pagamento voluntario porá fin ó expediente. Para efectualo deberá emprega-los impresos normalizados que lles serán facilitados nesta Delegación Provincial de Lugo, sita na Ronda da Muralla, nº 70-2º baixo.
O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).
Lugo, 15 de xullo de 2003.
Luis González Vázquez
Delegado provincial de Lugo
ANEXO
Expediente: P-80/2003.
Denunciado: Marcos Porto Veiga.
DNI: 33328914-M.
Enderezo: lugar San Lourenzo nº 63, Lugo.
Feito denunciado: practica-lo deporte da pesca con redes (unha rede de malla de aproximadamente dous centímetros e dunha lonxitude de 21 m) no río Neira, sen estar en posesión da preceptiva autorización concedida pola Consellería de Medio Ambiente, tendo capturado dúas troitas (1-26 cm; 1-18,5 cm) e catro ciprínidos. Feitos constatados o día 27-5-2003, ás 7.15 h en Marzán, couto de Láncara, río Neira, Láncara, Lugo.
Precepto sancionador: artigo 35.2º da Lei 7/1992, de pesca fluvial de Galicia.
Cualificación: grave.
Sanción: 3.005,07 euros.
Indemnización por danos e perdas de 64,91 euros que deberá aboar solidariamente con Pedro Martínez Fernández (DNI 76579121-T) de acordo co disposto no artigo 130.3º da Lei 30/1992, de réxime xurídico das administracións públicas e do procedemento administrativo común.