Iniciado procedemento de expropiación forzosa para a ocupación dos bens e dereitos que se expresarán, necesarios para a realización das obras do proxecto denominado variante das liñas de alta tensión en Oseiro, que foi aprobado polo Pleno do Concello en sesión do 14 de xullo de 2003 e declarado de utilidade pública, faise pública a relación de propietarios e bens afectados para que dentro do prazo de 30 días, contados a partir do seguinte ó da inserción deste anuncio no BOP Diario Oficial de Galicia, poidan os interesados formular alegacións sobre a procedencia da ocupación e a súa valoración, fornecendo cantos datos permitan a rectificación dos posibles erros que se estimen cometidos na devandita relación.

Para os efectos da emenda de erros na descrición material e legal dos bens, calquera persoa natural ou xurídica poderá comparecer para alegar e presentar cantos antecedentes ou referencias sirvan de fundamento para as rectificacións que procedan.

De non producírense reclamacións durante o citado trámite de información pública, considerarase aprobada definitivamente a relación concreta de bens e por iniciado o expediente expropiatorio, sen prexuízo de poder alcanzar mutuo acordo en calquera fase do expediente.

Arteixo, 6 de agosto de 2003.

P.D. (Decreto 1009/2002)

María Isabel Vila Vilas

Primeira tenente de Alcalde

Relación de propietarios afectados pola obra denominada variante das liñas de alta tensión en Oseiro