Examinado o expediente presentado polo centro privado Santa María de Ourense, no que solicita autorización para impartir unha unidade de educación especial e a ampliación de tres unidades do segundo ciclo de educación infantil.
Tendo en conta que o expediente foi tramitado pola Delegación Provincial de Ourense, quen o remite cos informes correspondentes.
Vistos a Lei 1/1990, do 3 de outubro (BOE do 4 de outubro), de ordenación xeral do sistema educativo; a Lei orgánica 10/2002, do 23 de decembro, de calidade da educación; o Real decreto 334/1985, do 6 de marzo, de ordenación da educación especial (BOE do 16 de marzo); a Orde ministerial do 30 de xaneiro de 1986 (BOE do 4 de febreiro); Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias; Decreto 320/1996, do 26 de xullo (DOG do 6 de agosto), de ordenación da educación de alumnos e alumnas con necesidades educativas especiais; Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias, e a Orde do 20 de setembro de 1995 (DOG do 15 de decembro) que o desenvolve.
Esta consellería, por proposta da Dirección Xeral de Centros e Ordenación Educativa,
DISPÓN:
Primeiro.-Autorizarlle ó centro privado Santa María de Ourense unha unidade de educación especial e a ampliación de tres unidades do segundo ciclo de educación infantil, quedando a composición resultante segundo se especifica no anexo.
Segundo.-Para as ensinanzas que se autorizan, a Delegación Provincial da Consellería de Educación e Ordenación Universitaria, logo do informe da Inspección Educativa, aprobará expresamente a relación de persoal que imparta docencia no dito centro.
Terceiro.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso
contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 5 de setembro de 2003.
Celso Currás Fernández
Conselleiro de Educación e Ordenación Universitaria
Provincia: Ourense.
Concello: Ourense.
Localidade: Ourense.
Enderezo: r/ Bedoya, 9.
Denominación: Centro Privado Santa María.
Titular: Hermanos Maristas.
Código do centro: 32008604.
Composición resultante:
a) Centro de educación infantil: 9 unidades do segundo ciclo.
b) Centro de educación primaria: 18 unidades.
c) Centro de educación secundaria:
-12 unidades de educación secundaria obrigatoria.
-8 unidades de bacharelato das modalidades de ciencias da natureza e da saúde, humanidades e ciencias sociais e tecnoloxía.
d) Centro de educación especial: 1 unidade (psíquicos).