Eu, Agustín Ignacio Pena López, secretario do Xulgado do Social número un da Coruña, fago saber

que nos autos número 210/2003, seguidos por instancia de Pablo Buján Sande, contra Savecín, S.L. Asociados y Cía., Comanditaria sobre reclamación de cantidades, a maxistrada-xuíza deste xulgado, Isabel Olmos Parés, dictou sentencia, con data do 13 de xullo de 2003, coa seguinte parte dispositiva:

«Que, estimando a demanda presentada por Pablo Buján Sande, debo declarar e declaro o dereito da demandante a percibi-la cantidade de 6.258,83 A polos conceptos que se expresan no feito probado segundo desta resolución e, nese sentido, debo condenar e condeno a empresa Savecín, S.L. Asociados y Cía. Comanditaria a que, aténdose a tal declaración, lle aboe ó demandante a cantidade de 6.258,83 A en concepto de salarios e liquidación.

Notifíqueselles esta sentencia ás partes, ás que se lles fará saber que en contra da dita resolución cabe o recurso de suplicación, que deberá anuncialo o seu avogado ou representante legal, designado para o efecto, perante este xulgado, no prazo de cinco días contado a partir da notificación desta sentencia, por comparecencia ou por escrito das partes. É posible o anuncio por mera manifestación da parte recorrente ó ser notificada, e será resolto, se é o caso, e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá, ademais, acreditar ó anuncia-lo recurso, ter consignado o importe da condena na conta de consignacións deste xulgado, aberta no BBV, conta nº 5602-60, e que pode substituírse polo aseguramento mediante aval bancario, coa constancia da responsabilidade solidaria do avalista, máis outra cantidade de 150,25 euros na mesma conta e en calidade de depósito, nun impreso separado do importe da condena.

Así, por esta miña sentencia, pronúncioo, mándoo e asínoo».

E para que lle sirva de notificación á empresa Savecín, S.L. Asociados y Cía. Comanditaria que tivo o seu último enderezo coñecido en r/ Compostela, 8-3º centro, 15004 A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 4 de agosto de 2003.

O secretario xudicial

Rubricado

CONSELLERÍA DE POLÍTICA TERRITORIAL, OBRAS PÚBLICAS

E VIVENDA