No BOP de Ourense do 13 de agosto de 2003 publícaronse íntegras as bases para prove-los postos de traballo vacantes no cadro de persoal desta deputación provincial e no cadro laboral fixo, correspondentes á oferta de emprego público de 2003 (corrección de erros no BOP do 29 de agosto).

As prazas que se convocan son as seguintes:

A) Cadro de persoal:

Unha (1) praza de administrativo de Administración xeral, grupo C, nivel 19. Concurso-oposición por promoción interna para auxiliares de Administración xeral coa titulación esixida para o grupo C ou coa titulación do grupo D, pero cunha antigüidade de 10 anos na escala ou 5 anos se contan con cursos de formación específica sobre xestións e técnicas e organización do traballo administrativo ou réxime administrativo impartidos por esta deputación, conforme co disposto no artigo 61 da Lei 42/1994.

Unha (1) praza de técnico de Administración xeral, grupo A, nivel 26, escala de Administración xeral, subescala técnica. Concurso-oposición por promoción interna vertical. Título de doutor, licenciado, enxeñeiro, arquitecto ou equivalente.

Unha (1) praza de peón laborante, grupo E, nivel 14, escala de: Administración especial, subescala de servicios especiais, clase de persoal de oficios. Concurso-oposición por promoción interna horizontal. Certificado de escolaridade.

B) Cadro laboral:

Dúas (2) prazas de oficial Pazo dos Deportes, asimiladas ó grupo D, nivel 16. Concurso-oposición libre. Graduado escolar ou equivalente.

Unha (1) praza de conductor da explotación de Vilamarín, asimilada ó grupo D, nivel 16. Concurso-oposición por promoción interna vertical. Graduado escolar ou equivalente e permiso de circulación clase C e D.

Unha (1) praza de oficial da Escola de Danza, asimilada ó grupo D, nivel 16. Concurso-oposición libre. Graduado escolar ou equivalente.

Unha (1) praza de oficial maquinista, asimilada ó grupo D, nivel 16. Concurso-oposición libre. Graduado escolar ou equivalente.

Unha (1) praza de oficial administrativo, asimilada ó grupo C, nivel 19. Concurso-oposición por promoción interna vertical. Bacharelato ou equivalente.

Tres (3) prazas de auxiliar de oficina, asimiladas ó grupo D, nivel 16. Unha (1) praza por concurso-oposición libre e dúas (2) prazas por concurso-oposición por promoción interna vertical. Graduado escolar ou equivalente.

Unha (1) praza de encargado de novas tecnoloxías informáticas, asimilada ó grupo C, nivel 21. Oposición libre. Técnico especialista en informática de empresa.

Quince (15) prazas de conductor especialista de maquinaria, asimiladas ó grupo D, nivel 16. Seis (6) prazas por oposición libre e nove (9) prazas por concurso-oposición por promoción interna vertical. Graduado escolar ou equivalente e permiso de circulación clase C e D.

Sete (7) prazas de legoeiro, asimiladas ó grupo E, nivel 12. Oposición libre. Certificado de escolaridade.

Unha (1) praza de mecánico, asimilada ó grupo D, nivel 17. Concurso-oposición libre. Graduado escolar ou equivalente.

Sete (7) prazas de capataz de camiños, asimiladas ó grupo D, nivel 17. Concurso-oposición por promoción interna horizontal. Graduado escolar ou equivalente.

Unha (1) praza de pintor, asimilada ó grupo D, nivel 17. Concurso-oposición libre. Graduado escolar ou equivalente.

Unha (1) praza de encargado de fornecementos, asimilada ó grupo D, nivel 16. Concurso-oposición por promoción interna vertical. Graduado escolar ou equivalente.

Unha (1) praza de operario-báscula, asimilada ó grupo E, nivel 14. Concurso-oposición libre. Certificado de escolaridade.

Unha (1) praza de porteiro-ordenanza, asimilada ó grupo E, nivel 12. Concurso-oposición libre. Certificado de escolaridade.

Dúas (2) prazas de peón agrícola, asimiladas ó grupo E, nivel 12. Concurso-oposición libre. Certificado de escolaridade.

Dúas (2) prazas de oficial técnico en seguridade e saúde, asimiladas ó grupo C, nivel 19. Concurso-oposición por promoción interna vertical coa titulación esixida para o grupo C ou coa titulación do grupo D, pero cunha antigüidade de 10 anos na escala de procedencia, conforme o disposto no artigo 61 da Lei 42/1994. Titulación específica: título de técnico intermedio en prevención de riscos laborais, validado conforme a normativa vixente e expedido por centro homologado (mínimo de 300 horas lectivas).

As solicitudes presentaranse no rexistro xeral da deputación durante o prazo dos 20 días naturais seguintes ó da publicación do pertinente anuncio no Boletín Oficial del Estado. No caso das solicitudes para participar nas probas de promoción interna do persoal laboral, o prazo de presentación será de 20 días naturais seguintes ó da publicación do anuncio específico da convocatoria no Diario Oficial de Galicia. Así mesmo, poderán presentarse na forma que determina o artigo 38.4º da Lei 30/1992. Nos casos de concurso ou concurso-oposición, á solicitude deben unirse os xustificantes dos méritos que se aleguen.

No mesmo prazo xustificarase o aboamento dos dereitos de exame, polos seguintes importes, xuntándolle á solicitude o correspondente xustificante: para as prazas do grupo A ou asimiladas: 18,03 euros; grupo B ou asimiladas: 13,52 euros; grupo C ou asimiladas: 7,51 euros; grupo D ou asimiladas: 6,01 euros; grupo E ou asimiladas: 4,51 euros.

A deputación facilitará copia das bases e modelo oficial de solicitudes, nas oficinas do rexistro xeral; rúa Progreso, 32 (Ourense), ou solicitándoo ó telefono 988 38 51 00 ou fax 988 38 51 84.

Os sucesivos anuncios relativos a esta convocatoria publicaranse exclusivamente no taboleiro provincial de edictos en todo caso, e no BOP de Ourense cando proceda, de conformidade coas bases das probas selectivas.

Publícase isto de conformidade co disposto no artigo 233.3º da Lei 5/1997, de Administración local de Galicia.

Ourense, 1 de setembro de 2003.

O presidente

Rubricado