Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos nº 252/2003, por instancia de María Teresa Barbeito Rodríguez contra a empresa Textil Donna, S.L., sobre despe
dimento, nos que recaeu sentencia con data 31-7-2003 que, copiada nos particulares necesarios, di así:
«Decido que, estimando a demanda promovida por María Teresa Barbeito Rodríguez contra a empresa Textil Donna, S.L., debo declarar e declaro improcedente o despedimento efectuado a demandante con data do 23-2-2003, condenando a demandada a que, no prazo de cinco días desde a notificación desta resolución, opte entre a readmisión da traballadora nas mesmas condicións que rexían antes de producirse o despedimento ou o aboamento da cantidade de 99,48 euros en concepto de indemnización, e o aboamento dos salarios deixados de percibir desde a data do despedimento e ata esta resolución que, o día de hoxe, ascenden a 3.702,40 euros.
Así, por esta mi sentencia, contra a que se poderá recorrer en suplicación ante a Sala do Social do Tribunal Superior de Xustiza de Galicia, no prazo de cinco días contados a partir do seguinte ó da súa notificación, anunciando o propósito de presentalo mediante comparecencia ou por escrito, é indispensable que, ó tempo de anuncialo, o recorrente, se é empresario, exhiba diante deste xulgado do social o xustificante acreditativo de ter depositado na conta do Grupo Banesto (Banco Español de Crédito, S.A. e Banco de Vitoria, S.A.) co número 5605 0000 60 0252 03, a cantidade obxecto de condena. Podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non se poderá ter anunciado o recurso e quedará firme a sentencia. Deberase consignar ademais, a cantidade de 150,25 euros na mesma conta, 5605 0000 65 0252 03, e entrega-lo xustificante na secretaría o tempo de
interpoñe-lo recurso, que se declarará desasistido de non constituírse o dito depósito na forma indicada. Definitivamente xulgando en primeira instancia, pronúncioo, mándoo e asínoo.»
E para que conste a efectos da súa publicación no Diario Oficial de Galicia, co fin de que sirva de notificación en forma á empresa Textil Donna, S.L., expido e asino a presente cédula na Coruña o 31 de xullo de 2003.
A secretaria xudicial
Rubricado
XULGADO DO SOCIAL NÚMERO DOUS DE SANTIAGO DE
COMPOSTELA