Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Hidroeléctrica de Laracha, S.L.

Domicilio social: r/ Nicaragua 10, 3º esqda. 15005 A Coruña.

Denominación: L.M.T.S. a C.T. Canteira Trambalasaguas.

Situación: A Laracha.

Descricións técnicas: liña eléctrica subterránea de media tensión, a 12/20 kV, baixo tubo e con conductor R.H.V. 12/20 kV, de 3(1x95) mm Al, de 435 m de lonxitude, coa orixe na apoio nº 8 da liña que alimenta a canteira Trambalasaguas e final no C.T. (particular) da canteira. A Laracha.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 21 de xullo de 2003.

Jesús Espada Martínez

Delegado provincial da Coruña