Por orde da Consellería de Educación e Ordenación Universitaria do 5 de febreiro de 2003, convocáronse axudas para alumnos e profesores de centros docentes da Comunidade Autónoma de Galicia sostidos con fondos públicos, que participen en estadías en empresas de ámbito transnacional (cofinanciadas polo Fondo Social Europeo).

Vista a proposta da comisión de selección prevista no artigo 9 da citada orde,

RESOLVO:

Primeiro.-Conceder, con cargo ó concepto orzamentario 07.04.322S.481.0 da Dirección Xeral de Formación Profesional e Ensinanzas Especiais, as axudas que se relacionan no anexo I, correspondentes ó primeiro prazo, e no anexo II correspondentes ó segundo prazo.

Segundo.-De acordo co artigo 11, as axudas serán aboadas da seguinte forma:

Para as axudas que non superen o importe de 6.000 euros, no momento da concesión poderá acordarse un anticipo de pagamento de ata un 80%, logo da aceptación da subvención. O 20% restante librarase unha vez finalizada a actividade e despois da súa completa xustificación económica por parte do centro e entrega da memoria de actividades, xuntando certificación respecto da percepción ou non doutras

axudas e subvencións para a mesma finalidade, para efectos do disposto no artigo 78.3º da Lei 11/1992, do 7 de outubro, de réxime financeiro e orzamentario de Galicia. Nas axudas que superen esta cantidade o pagamento realizarase integramente unha vez finalizada e xustificada a actividade.

Terceiro.-De acordo coa normativa vixente, os beneficiarios quedarán obrigados a:

1. Acepta-la axuda concedida. Neste sentido, se no prazo de quince días, contados a partir do da recepción da comunicación pola que se notifica a concesión da axuda, o centro beneficiario non a acepta, entenderase que renuncia á súa percepción.

2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.

3. Xustifica-lo correcto investimento das axudas recibidas, mediante a presentación da seguinte documentación:

Unha vez efectuada a viaxe, o centro docente, como entidade colaboradora da xestión de axudas públicas, deberá, de acordo co establecido no artigo 15 do Decreto 287/2000, do 21 de novembro, tramita-la seguinte documentación no prazo máximo dun mes:

3.1. Certificación do consello escolar do centro aprobatoria das contas, xuntando unha relación dos gastos efectuados e copia compulsada das facturas.

3.2. Certificación de ter ou non ter subvención ou axuda para a mesma finalidade procedente de calquera outra administración ou ente público.

3.3. Certificación do director do centro no que se faga consta-la empresa ou centro de acollida e as datas exactas de duración da estadía, o nome e número do DNI dos alumnos e/ou dos profesores participantes, indicando neste caso se é coordinador ou participante na estadía.

3.4. Xustificación da totalidade do custo da viaxe de acordo cos datos indicados no orzamento inicial. O importe da subvención nunca poderá superar illadamente ou en concorrencia con subvencións ou axudas doutras administracións públicas ou doutros entes públicos ou privados, nacionais ou internacionais, o custo da actividade que vai desenvolve-lo beneficiario ou, se é o caso, a porcentaxe máxima do investimento subvencionable que legalmente se estableza. No caso de que o custo final sexa inferior ó inicialmente previsto deberase minora-la axuda concedida en proporción á axuda xustificada.

3.5. Memoria do traballo realizado durante a estadía no país de acollida que incluirá os seguintes datos:

3.5.1. Visitas preparatorias. Obxectivos acadados de cara á realización do proxecto, incluíndo un breve resumo deste: descrición, datas de realización, etc.

3.5.2. Estadías de alumnos. Programación e avaliación das actividades realizadas na estadía con descricións de procesos productivos, tecnoloxías utilizadas, posibilidade de realización doutras estadías e aspectos positivos e negativos que hai que considerar.

3.5.3. Estadías de profesores. Certificación da empresa ou centro de acollida na que se indiquen as datas e as características da estadía realizada. Memoria do traballo individual desenvolvido, no que se farán constar, entre outros, os seguintes aspectos:

a) Descrición do proceso productivo. Perfís profesionais que participan, diferenciados segundo os niveis de cualificación.

b) Realizacións máis significativas de cada perfil profesional.

c) Tecnoloxías utilizadas e a súa presencia no equipamento de cada ciclo formativo (valoración da súa necesidade ou conveniencia de incorporalo).

d) Cambios que se prevén no sistema productivo (evolución da competencia profesional).

e) Programa de formación en centros de traballo que se podería realizar nesa empresa e nos diferentes ciclos formativos da súa familia profesional.

f) Posible formación do profesorado que podería desenvolve-la empresa ou traballadores que poderían colaborar no plan de formación do profesorado de formación profesional específica.

g) Valoración da estadía de formación: aspectos positivos e aspectos que se deben mellorar.

Os proxectos e traballos realizados polos centros seleccionados quedarán en poder da Dirección Xeral de Formación Profesional e Ensinanzas Especiais reservándose o dereito de difundi-los traballos realizados en función da súa orixinalidade e pasando a formar parte dos fondos documentais da Consellería de Educación e Ordenación Universitaria.

Cuarto.-De acordo co establecido no Regulamento (CE) nº 1159/2000, da comisión, do 30 de maio (DO L 130/30, do 31 de maio), os centros colaboradores que figuran no anexo I tomarán as medidas oportunas para informa-los alumnos e profesores que van realiza-las estadías formativas en empresas que as axudas están financiadas nun 65% polo Fondo Social Europeo.

Quinto.-Contra esta resolución os interesados poderán interpoñer recurso potestativo de reposición no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), ou ben directamente o recurso contencioso-administrativo no prazo de dous meses ante o Tribunal Superior de Xustiza de Galicia.

Santiago de Compostela, 24 de xullo de 2003.

Celso Currás Fernández

Conselleiro de Educación e Ordenación Universitaria

ANEXO I

Proxectos aprobados no primeiro prazo de presentación de solicitudes

Centro escolar	Tipo actividade	Título proxecto/ profesor participante	Número profesores	Número alumnos	Especialidade	País destino	Axuda concedida (A)

IES Pontepedriña	Visita preparatoria	Carmen Fandiño Suárez	1	0	Comercio	Reino Unido	850
IES Pontepedriña	Estadía alumnos	Estadía de alumnos en empresas do Reino Unido	0	10	Comercio	Reino Unido	12.750
IES Pontepedriña	Estadía profesores	Carlos Carballo Felpete	1	0	Comercio	Reino Unido	925

ANEXO II

Proxectos aprobados no segundo prazo de presentación de solicitudes

Centro escolar	Tipo acción	Título proxecto/ profesor participante	Número profesores	Número alumnos	Especialidade	País destino	Axuda concedida (A)

EFA Fonteboa	Estadía de alumnos	Estadía en explotacións agrarias. Pays Loire	0	13	Agraria	Francia	7.770
IES Eusebio da Guarda	Visita preparatoria	Felipe Gómez Taibo	1	0	Hostalería e turismo	Hungría	900
IES Eusebio da Guarda	Estadía de alumnos	Open Europe 2003	0	10	Hostalería e turismo	Hungría	16.000
IES Luis Seoane	Estadía de alumnos	ILUSEEL-II	0	1	Administración	Malta	1.525
Escola de Artes Mestre Mateo	Estadía de alumnos	DANTE	0	5	AA. e deseño	Irlanda e Portugal	6.550
IES Armando Cotarelo Valledor	Visita preparatoria	Agustín Lago Durán	1	0	Comercio	Francia	700
IES Armando Cotarelo Valledor	Visita preparatoria	Lucila Mª Louzao Rodríguez	1	0	Administración	Reino Unido	850
IES Armando Cotarelo Valledor	Visita preparatoria	Jesús Caneda Aguiar	1	0	Comercio	Portugal	450
IES Armando Cotarelo Valledor	Estadía de alumnos	Estadía formativa no Reino Unido	0	6	Administración e comercio	Reino Unido	9.150
IES de Teis	Visita preparatoria	Ángela Fissgus Karpet	1	0	Informática	Alemaña	850
IES de Teis	Visita preparatoria	Lourdes Mourelle Mosqueira	1	0	Imaxe persoal	Italia	850
IES Paseo das Pontes	Visita preparatoria	Santiago Rodilla Labrador	1	0	Téxtil c. e pel	Italia	850
Escola de Arte Antonio Faílde	Visita preparatoria	César Taboada Varela	1	0	Deseño gráfico	Turquía	1.000
IES Perdouro	Estadía de profesores	Hortensia Mª Vicente Santiago	1	0	Imaxe persoal	Italia	1.050
IES Perdouro	Estadía de profesores	José Álvarez Otero	1	0	Fabricación mecánica	Italia	925
IES Monte Castelo	Estadía de alumnos	Training periods in the EU	0	6	Sanidade	Italia	8.400
IES Porta da Auga	Visita preparatoria	Margarita Vilaseca Sánchez	1	0	Administración	Italia	850
IES A Pontepedriña	Visita preparatoria	Isabel Serna Massiá	1	0	Comercio/francés	Francia	700
IES Ribeira do Louro	Visita preparatoria	Amador Ordóñez Puime	1	0	Comercio	Turquía	1.000
IES Ponteceso	Estadía de profesores	Mª Jesús Cedrón López	1	0	F.O.L.	Italia	1.175
IES Sofía Casanova	Estadía de alumnos	Estadía formativa en Bos Aires	0	1	Hostalería-turismo	Arxentina	1.725
IES Sofía Casanova	Visita preparatoria	Guillermo Llorca Freire	1	0	Hostalería-turismo	Arxentina	1.300

Proxectos denegados no segundo prazo de presentación de solicitudes por non axustarse á convocatoria

Centro escolar	Tipo acción	Título proxecto/ profesor participante	Número profesores	Número alumnos	Especialidade	País destino	Observacións

IES Perdouro	Estadía de profesores	José Antonio Rivas Rivas	1	0	Fabricación mecánica	Italia	Concedida unha axuda similar en anos anteriores
IES Perdouro	Estadía de profesores	Mª Ángeles Sánchez Ramos	1	0	Imaxe persoal	Italia	Art. 5.2º.3 da orde
IES Compostela	Estadía de profesores	Rosalía Carril González-Barros	1	0	Hostalería-turismo	Venezuela	Falta documentación
IES Rosalía de Castro	Estadía de profesores	Irene Gil Ruiz	1	0	Hostalería-turismo	Venezuela	Concedida unha axuda similar en anos anteriores
IES Valentín Paz Andrade	Estadía de profesores	Montserrat Ezquerra González	1	0	Hostalería-turismo	Venezuela	Concedida unha axuda similar en anos anteriores
IES A Farixa	Estadía de profesores	Belén González Quevedo	1	0	Hostalería-turismo	Venezuela	Concedida unha axuda similar en anos anteriores
IES Nº 1 de Lugo	Estadía de profesores	Marina Merino López	1	0	Sanidade	Alemaña	Concedida unha axuda similar en anos anteriores
IES Nº 1 de Lugo	Estadía de profesores	María Esther Varela Tato	1	0	Sanidade	Alemaña	Concedida unha axuda similar en anos anteriores
IES Nº 1 de Lugo	Estadía de profesores	Pilar Corral Muñiz	1	0	Sanidade	Suíza	Concedida unha axuda similar en anos anteriores
IES Nº 1 de Lugo	Estadía de profesores	Mª Ángeles Blanco Deza	1	0	Sanidade	Suíza	Concedida unha axuda similar en anos anteriores
IES Monte Castelo	Estadía de profesores	Margarita Vázquez Ouro	1	0	Sanidade	Suíza	Concedida unha axuda similar en anos anteriores
IES Ánxel Casal-Monte Alto	Estadía de profesores	Susana Agra Rama	1	0	Sanidade	Alemaña	Concedida unha axuda similar en anos anteriores

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA