Segundo o disposto no artigo 92.2º da Lei 9/2002, do 30 de decembro, de ordenación urbanística e protección do medio rural de Galicia, faise público que o Pleno do Concello da Cañiza, en sesión que tivo lugar o 27 de xuño de 2003, aprobou definitivamente o Plan Xeral de Ordenación Municipal do Concello da Cañiza, logo do informe favorable da Consellería de Política Territorial, Obras Públicas e Vivenda do 18 de xuño de 2003.
Con data do 17 de xullo de 2003 comunícaselle á Consellería de Política Territorial, Obras Públicas e Vivenda este acto de aprobación definitiva, á vez que se lle dá traslado dunha copia adverada do expediente administrativo completo e de dous exemplares do instrumento aprobado definitivamente con tódolos planos e documentos que o integran e sobre os que recaeu o acordo de aprobación definitiva, debidamente dilixenciados polo secretario municipal.
De acordo co sinalado nos artigos 65.2º e 70.2º da Lei 7/1985, do 2 de abril, a entrada en vigor do Plan Xeral de Ordenación Municipal da Cañiza producirase unha vez que transcorran 15 días desde a publicación no BOP de Pontevedra do texto íntegro das ordenanzas e do articulado das normas urbanísticas do plan xeral.
Contra este acordo, que pon fin a vía administrativa, poderase interpoñer recurso contencioso-administrativo no prazo de dous meses perante a Sala do Contencioso-Administrativo do Tribunal Superior de Xustiza de Galicia. Todo iso sen prexuízo de calquera outro recurso ou acción que coiden oportunos.
A Cañiza, 17 de xullo de 2003.
César J. Mera Rodríguez
Alcalde