Aprobados por acordo da Comisión Municipal de Goberno os pregos de condicións económico-administrativas que rexerán o procedemento para a contratación da execución das obras referenciadas, exponse ó público durante 10 días, contados a partir do seguinte ó de publicación deste anuncio no BOP para que poida presentarse reclamacións por quen se considere interesado.
Asemade, anúnciase o concurso, aínda que a licitación se aprazará canto resulte necesario de presentarse reclamacións ós pregos.
Durante o prazo de presentación de instancias permanecerá así mesmo exposto o correspondente proxecto técnico, podendo presentarse as alegacións que se entendan oportunas.
1. Entidade adxudicadora: Concello de Mos.
2. Obxecto do contrato: execución da obra de colector saneamento en Atín-campo de Eiró. Prazo de execución: 6 meses.
3. Tramitación: ordinaria. Procedemento: aberto. Forma: concurso.
4. Tipo licitación: 120.193,93 euros, IVE e demais tributos incluídos, aínda que se deberá considera-la posibilidade exposta ó final deste anuncio.
5. Garantías: provisional: non se esixe. Definitiva: 4% do importe da adxudicación.
6. Obtención de información e documentación: Concello de Mos. Reguengo nº 1 Petelos. Mos 36416. Pontevedra. Teléfono: 986 33 12 00, telefax: 986 33 66 18.
7. Presentación de proposicións.
a) Prazo e lugar: no Concello de Mos (Pontevedra) durante os 26 días naturais desde o seguinte ó de
publicación deste anuncio no último dos boletíns no que apareza (DOG ou BOP), das 9.00 ás 14.00 de luns e venres, das 9.00 ás 13.00 os sábados, no rexistro xeral do concello ou na forma sinalada na cláusula 7 do prego de condicións.
b) Documentación que hai que presentar: as proposicións constarán de 2 sobres pechados, A e B, denominados Documentación xeral e Documentación específica para o concurso, coas inscricións e contendo a documentación que se sinala na cláusula 11 dos pregos de condicións.
8. Apertura das ofertas: ás 13.00 horas do 6º día hábil seguinte ó de finalización do prazo para a presentación de proposicións (para efectos da apertura, o sábado considerarase inhábil).
9. Gastos de anuncios: por conta do adxudicatario.
10. Modelo de proposición contido nos pregos de condicións.
ANEXO
Modelo de proposición
D..., co DNI nº..., actuando en nome propio ou en representación da entidade...; con enderezo para efectos de notificacións en..., tendo coñecemento do concurso tramitado polo Concello de Mos para a execución da obra de colector saneamento en Atín-Campo de Eiró e informado dos pregos aprobados para o efecto, comprométese a efectuala ofertando as seguintes mellora:
-Baixa sobre o tipo de licitación: ...euros (...ptas.); que supón unha porcentaxe do ...% sobre tal tipo.
Prazo de execución: ...
...
Lugar e data
(Sinatura)
Máis informacións nos pregos, que se consultarán en horario de oficina na propia casa do concello ou que se poden solicitar para a súa remisión por correo, segundo establecen estes.
Mos, 28 de xullo de 2003.
María Jesús Escudero Lago
Alcaldesa