Aprobados pola Comisión de Goberno, con data do 7 de agosto de 2003, os pregos de cláusulas económico-administrativas particulares e de prescricións técnicas para a contratación por concurso do contrato de consultoría e asistencia técnica para a realización dos traballos de redacción do Plan Xeral de Ordenación Municipal e elaboración da cartografía dixital do Concello de Pedrafita do Cebreiro, sométese a exposición pública polo prazo de oito días contados desde o día seguinte ó da última publi
cación do anuncio no BOP ou no DOG, para efectos de exame e reclamacións.
De conformidade co disposto no artigo 122.2º do Real decreto lexislativo 781/1986, anúnciase simultaneamente o concurso, aínda que a licitación se aprazará, no suposto de que sexan formuladas reclamacións contra os pregos de condicións, mentres non sexan resoltas polo órgano competente.
1. Entidade adxudicadora.
Organismo: Concello de Pedrafita do Cebreiro.
Dependencia que tramita o expediente: Secretaría.
2. Obxecto do contrato.
Descrición do obxecto: redacción do Plan Xeral de Ordenación Municipal e elaboración da cartografía dixital do Concello de Pedrafita do Cebreiro.
Lugar: Concello de Pedrafita do Cebreiro.
Prazo de execución: vinte meses segundo fases.
3. Tramitación, procedemento e forma de adxudicación.
Tramitación: urxente.
Procedemento: aberto.
Forma: concurso.
4. Tipo de licitación.
Noventa e cinco mil douscentos sesenta e catro euros e cincuenta e nove céntimos (95.264,59), IVE incluído.
5. Garantías.
Provisional: 2% do tipo de licitación (1.905,29 euros).
Definitiva: 4% do importe de adxudicación.
6. Obtención de documentación e información.
Entidade: Concello de Pedrafita do Cebreiro.
Domicilio: localidade e código postal: praza de España, nº 2, Pedrafita do Cebreiro, 27670.
Horario: das 9.00 ás 14.00 horas, de luns a venres.
Teléfono: 982 36 71 03. Fax: 982 36 71 50.
7. Presentación de ofertas.
Data límite: 15 días naturais contados a partir do seguinte ó da última publicación deste anuncio no BOP ou no DOG.
Lugar de presentación: rexistro xeral do Concello de Pedrafita do Cebreiro, en man, das 9.00 ás 14.00 horas, durante os quince días naturais seguintes ó da última publicación do anuncio de licitación no BOP ou no DOG. Tamén se poderán presentar por correo, e neste caso o interesado deberá acreditar co xustificante correspondente, a data de imposición do envío na oficina de correos, anunciarlle o mesmo día, ata as 14.00 horas, ó Concello de Pedrafita do Cebreiro, por fax ou telegrama, a remisión da proposición. Sen cumprir tales requisitos non será admitida a proposición no caso de que se recibise fóra do prazo fixado no anuncio de licitación.
Documentación que hai que presentar: a esixida na cláusula 14ª do prego de cláusulas económico-administrativas particulares.
8. Apertura de ofertas.
No salón de sesións da Casa do Concello de Pedrafita do Cebreiro, ás 12.00 horas do quinto día hábil seguinte (agás sábado) a aquel en que remate o prazo de presentación de proposicións.
9. Criterios de base para a adxudicación.
Os recollidos na cláusula 17ª dos pregos.
10. Gastos de anuncios.
Serán por conta do adxudicatario.
Pedrafita do Cebreiro, 11 de agosto de 2003.
José Luis Raposo Magdalena
Alcalde