Convocada pola Orde do 15 de maio de 2003 (DOG nº 111, do 10 de xuño), a provisión, polo sistema de libre designación, dun posto de traballo vacante nos servicios centrais do Servicio Galego de Saúde, esta consellería, de conformidade co previsto no artigo 27.2º da Lei 4/1988, do 26 de maio, da función pública de Galicia, e nos artigos 16 e 17 do Decreto 93/1991, do 20 de marzo, e en uso das facultades que lle confire o artigo 15.4º da devandita lei
DISPÓN:
Primeiro.-Resolver definitivamente a convocatoria pública para a provisión, polo sistema de libre designación, dun posto de traballo vacante nos servicios centrais do Servicio Galego de Saúde, anunciada pola Orde do 15 de maio de 2003 (DOG nº 111, do 10 de xuño).
Segundo.-Adxudicarlle destino, no posto de traballo que se indica, ó funcionario que se relaciona no anexo a esta orde.
Terceiro.-O persoal mencionado deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto.-Contra esta orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ó da súa publicación. De non estima-la interposición deste recurso, poderase interpoñer recurso, contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ó da súa publicación.
Santiago de Compostela, 29 de xullo de 2003.
José Mª Hernández Cochón
Conselleiro de Sanidade
ANEXO
Apelidos e nome: Blanco Aragón, Cristina.
NRP: 5139545824 A2060.
Grupo: A.
Nivel complemento destino: 28.
Corpo ou clase: superior da Xunta de Galicia.
Posto de traballo: xefe de Servicio de Ordenación Normativa e Documentación.
Dependencia: División de Recursos Humanos do Sergas.
Localidade: Santiago de Compostela.
XULGADO DE PRIMEIRA INSTANCIA E INSTRUCCIÓN NÚMERO UN
DE SANTIAGO DE COMPOSTELA