Bases:
Primeira.-O premio estará dotado con 12.020 euros.
Segunda.-Poderán participar nel tódolos autores de calquera nacionalidade que presenten unha ou varias obras escritas en lingua galega na normativa oficial.
Terceira.-As novelas terán unha extensión mínima de 150 folios mecanografados por unha cara e a dous espacios.
Cuarta.-A obra enviarase por correo, sen remite e baixo lema, á Casa de Cultura Manuel Lueiro Rey, Monte da Vila, nº 11, 36980 O Grove (Pontevedra). En sobre adxunto, pechado e baixo o mesmo lema, indicaranse o nome e enderezo do autor/a. De cada obra remitiranse 5 copias.
Quinta.-As obras presentadas terán que ser inéditas.
Sexta.-O prazo de admisión dos orixinais rematará o día 30 de setembro 2003. O dictame darase a coñecer no mes de novembro/decembro, nunha xuntanza que terá lugar no salón de comisións do Concello do Grove.
Sétima.-A concesión do premio non implicará cesión dos dereitos de propiedade sobre a obra premiada. As obras non premiadas serán devoltas ós autores que o soliciten no prazo dun mes contando desde o día do veredicto.
Oitava.-A entrega do premio terá lugar no mes de xaneiro/febreiro de 2004, nun acto público no que se tentará a difusión da novela gañadora.
Novena.-O premio poderá quedar deserto de non existiren obras de calidade a xuízo do xurado. Neste caso o importe do premio destinarase a divulga-la obra de Eduardo Blanco Amor entre as escolas e os centros culturais de Galicia.
Décima.-O feito de concorreren a este premio presupón que os autores aceptan as súas bases.
Décimo primeira.-O xurado do premio, nomeado nesta ocasión polo Concello do Grove, estará composto por cinco membros que deberán ser escritores ou críticos literarios da literatura galega.
Décimo segunda.-O xurado fará públicas as razóns nas que se fundou para a concesión do premio.
O Grove, 21 de xullo de 2003.
Miguel Ángel Pérez García
Alcalde