Aprobado por decreto da Alcaldía do 30 de xullo de 2003 o expediente de contratación, incluídos os
pregos de cláusulas administrativas particulares-técnicas que rexerán o concurso para adxudica-las obras de urbanización e humanización da rúa Brasilino Álvarez, que se expoñen ó público durante 8 días, contados a partir do seguinte ó de publicación do presente anuncio no Diario Oficial de Galicia, para que poidan presentarse reclamacións por quen se considere interesado.
Simultaneamente anúnciase o concurso, aprazándose a licitación se resultara necesario por formularse reclamacións contra os pregos.
Entidade adxudicadora.
Concello da Guarda, praza do Reló, s/n, 36780. Teléfono: 986 61 00 00. Fax: 986 61 02 83.
Obxecto do contrato.
Adxudica-las obras de urbanización e humanización da rúa Brasilino Álvarez.
Tipo de licitación.
Cento cincuenta e tres mil catro euros con corenta céntimos (153.004,40 euros) IVE incluído.
Modalidade de adxudicación.
Concurso público, procedemento aberto urxente.
Garantías.
Provisional: 2% do orzamento.
Definitiva: 4% do orzamento.
Exame do expediente.
Os licitadores poderán examina-lo expediente na secretaría xeral do concello, en horario de 9.00 a 13.00 horas, excepto sábados e festivos e ata o día anterior ó do remate do prazo de presentación de proposicións.
Presentación de proposicións.
No rexistro xeral do concello, dentro do prazo de 13 días naturais, contados a partir do día da última publicación deste anuncio no DOG en horas de 9.00 a 13.00 e de luns a venres, na forma sinalada na cláusula décimo cuarta do prego de cláusulas administrativas-técnicas. Se o último día de presentación de ofertas fora inhábil, prorrogarase ata o día hábil seguinte.
Apertura de proposicións.
A apertura terá lugar ás 12.00 horas do 3º día hábil seguinte ó sinalado como último para a presentación de proposicións (para estes efectos o sábado considerarase inhábil).
Gastos de anuncios.
A cargo do adxudicatario.
A Guarda, 30 de xullo de 2003.
Ignacio Saa González
Alcalde en funcións
