Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 136/2003 seguidos por instancia de Arturo López López contra Carlos Vázquez Barbeito sobre salarios, nos que recaen sentencia do 9 de xuño de 2003 que copiada nos particulares necesarios di así:
«Que estimando a demanda formulada por Arturo López López, contra a empresa Carlos Vázquez Barbeito condeno a esta a aboarlle a cantidade de 3.121,99 euros, que lle debe en concepto de salarios.
Notifíquese esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificacion.
Previndo á empresa demandada que para recorrer deberá acreditar ter ingresado na c/c de consignacións código 5604.0000.60 0136-03 de Banesto desta cidade denominada Conta do Xulgado do Social número tres o importe da condena e 150,25 euros en concepto de depósito, sen os cales requisitos non será admitido a trámite o recurso quedando firme a sentencia.
Así por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Carlos Vázquez Barbeito, expido e asino esta cédula na Coruña, 11 de xullo de 2003.
O secretario xudicial
Rubricado