1. Autorización administrativa.

Para os efectos previstos na Lei 54/1997, e título VII do Real decreto 1955/2000, do 1 de decembro, sobre autorizacións de instalacións de enerxía eléctricas, sométese a información pública a petición de autorización administrativa e aprobación do proxecto de execución para o trazado das liñas eléctricas de referencia, que contan coas características técnicas que se din a seguir:

-Peticionario: Norvento, S.L.

-Finalidade: interconexión do parque eólico de Coruxeiras e a liña eléctrica aérea de alta tensión a 132 kV dobre circuíto subestación Penagrande/subestación Lomba para evacuación da enerxía xerada polo dito parque eólico.

-Características técnicas principais:

1-Liña eléctrica aérea de alta tensión a 132 kV, para interconexión do parque eólico de Coruxeiras e a liña eléctrica aérea de alta tensión a 132 kV dobre circuíto subestación Penagrande/subestación Lomba, de 3.311 m de lonxitude composta por un circuíto cun conductor por fase LA-280 e cable de terra OPGW sobre apoios metálicos de celosía.

2-Variante da liña eléctrica aérea de alta tensión a 20 kV do repetidor de Telefónica do Alto de Coruxeiras, consistente na colocación dun novo apoio manténdose o trazado existente, debido ó cruzamento da dita liña eléctrica aérea de alta tensión a 20 kV coa L.A.T. 132 kV PE Coruxeiras (L.A.T. 132 kV D/C sub. Penagrande/sub. Lomba).

2. Urxente ocupación.

O beneficiario, ó abeiro do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública das instalacións incluídas neste proxecto, que, segundo o sinalado no artigo 54 da devandita lei, levará implícita en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa. Polo tanto, a presente resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997, e no capítulo V do título VII do Real decreto 1955/2000, do 1 de decembro.

3. Alegacións.

O que se fai público para que poida examinarse o proxecto de instalacións, nesta delegación provincial (edificio administrativo-Ronda da Muralla 70, Lugo) e formula-las reclamacións, por duplicado, que se consideren oportunas durante o prazo de vinte días. Igualmente, os interesados poderán formular, se é o caso, e no mesmo prazo, as alegacións por escrito que coiden oportuno, podendo corrixi-los erros que se encontren ó relaciona-los bens afectados ata o mesmo momento do levantamento das actas previas.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e, así, dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 22 de xullo de 2003.

Jesús Bendaña Suárez

Delegado provincial de Lugo

ANEXO

Relación de propietarios, bens e dereitos afectados pendentes de acordo

Liña: L.A.T. 132 kV P.E. Coruxeiras-Ap. nº 24 L.A.T. 132 kV D/C sub. Penagrande-sub. Lomba.

Provincia: Lugo.

Concello: Muras.

Liña: variante L.M.T. 20 kV a C.T. repetidor Telefónica Muras.

Provincia: Lugo.

Concello: Muras.