Mediante Decreto 299/2003, do 26 de xuño, declarouse, segundo o artigo 105 da Lei de minas e para os efectos dispostos no artigo 52 da Lei de expropiación forzosa de 1954, a urxente ocupación dos predios que é necesario expropiar para dar continuidade ós labores da concesión mineira La Ilusión, fracción primeira, número 5356.1 no concello de Quiroga.

Baseándose no anterior, esta delegación provincial, en cumprimento do disposto no artigo 52 da Lei de expropiación forzosa, resolve convocar, o día 27 de agosto de 2003, no Concello de Quiroga, a tódalas persoas afectadas coas que non se chegou a un acordo, incluídas na relación de bens e dereitos que se expón como anexo á presente resolución e tamén no taboleiro de anuncios do Concello de Qui

roga, deducida da que se someteu a información pública no Diario Oficial de Galicia do 12 de marzo, no BOP de Lugo do 20 de febreiro e no xornal El Progreso do 12 de febreiro de 2003, para que comparezan no Concello de Quiroga, como punto de reunión para, de conformidade co procedemento que se establece no citado artigo, levar a cabo o levantamento de actas previas á ocupación dos terreos.

Desta convocatoria darase traslado ós interesados mediante a oportuna cédula de citación individual, na que se sinalara día e hora para o levantamento de actas previas, así mesmo, no taboleiro de anuncios do Concello de Quiroga, estará exposta a data do levantamento de actas. Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados pola persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e dun notario pola súa conta (artigo 52.3º da Lei de expropiación forzosa).

Así mesmo, advírtese a tódolos interesados que poderán formular alegacións por escrito nesta delegación provincial ata o momento do levantamento de actas previas, para os únicos efectos de emenda-los posibles erros padecidos na relación de bens e dereitos afectados (artigo 56.2º do regulamento da Lei de expropiación forzosa).

Esta publicación realízase, igualmente para os efectos que determina o artigo 59.4º da Lei 30/1992, de réxime xurídico das administracións públicas e do procedemento administrativo común, modificado pola Lei 4/1999, cando os titulares dos predios propostos sexan descoñecidos, se ignore o lugar de notificación ou, intentada esta, non se puida practicar e así entende-las dilixencias co Ministerio Fiscal segundo o establecido no artigo 5 da Lei de expropiación forzosa.

Lugo, 15 de xullo de 2003.

Jesús Bendaña Suárez

Delegado provincial de Lugo

Relación de propietarios: bens e dereitos afectados

pola concesión da explotación denominada La Ilusión fracción primeira nº 5356 T.M. Quiroga, Lugo

Predio: 1º.

Titular catastral: Segundo David García López.

Domicilio: Vilameá-Fisteus (Quiroga).

Datos catastrais:

Polígono: 7.

Parcelas: 82.

Lugar: As Valellas.

Cultivo: mato e souto.

Superficie m: 3.485.

Titular aparente/enderezo concello: Segundo David García López.

Bens e dereitos afectados: As Valellas-Pacios da Serra T.M. Quiroga.

Tipo afección: pleno dominio.