Anuncio de aprobación definitiva do segundo proxecto de modificación das normas subsidiarias de planeamento do termo municipal de Campo Lameiro.

O pleno do Concello de Campo Lameiro, en sesión de data 30 de xuño de 2003, adoptou, entre outros, o seguinte acordo:

1. Aprobar, con carácter definitivo, a segunda modificación puntual das normas subsidiarias de Campo Lameiro, afectando a unha parcela de titularidade municipal dentro do solo urbano -ordenanza nº 3- coa finalidade de ser destinada á construcción de vivendas unifamiliares de protección oficial, establecéndose, para tal fin, unha nova ordenanza -ordenanza 3B, de solo urbano para a promoción pública de vivendas unifamiliares en fileira.

2. Conforme o establecido no artigo 48 da Lei 1/1997, do solo de Galicia, proceder á publicación definitiva no Diario Oficial de Galicia, e máis

no BOP, para posterior remisión do expediente completo á Consellería de Política Territorial, Obras Públicas e Vivenda, conforme o establecido no artigo 48.3º da citada lei.

Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.

O presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles que sexan descoñecidos, se ignore o lugar de notificación ou, intentada esta, non se puidese practicar.

Campo Lameiro, 9 de xullo de 2003.

Julio Sayans Bugallo

Alcalde