Convocada a provisión, polo sistema de libre designación, nesta consellería, por Orde do 10 de xuño de 2003 (Diario Oficial de Galicia nº 115, do 16 de xuño), de conformidade co disposto no artigo 27.2º da Lei 4/1988, do 26 de maio, da función pública de Galicia, na súa nova redacción dada pola Lei 3/1995, do 10 de abril, e nos artigos 16 e 17 do Decreto 93/1991, do 20 de marzo, e no uso das facultades conferidas polo artigo 15.4º da referida lei, esta consellería

DISPÓN:

Primeiro.-Resolver parcialmente a convocatoria pública para a provisión, polo sistema de libre designación nesta consellería, anunciada pola orde do 10 de xuño de 2003 (Diario Oficial de Galicia nº 115, do 16 de xuño de 2003).

Segundo.-Adxudicarlle destino, no posto de traballo que se indica, e selecciona-lo funcionario que se relaciona no anexo desta orde.

Terceiro.-O cesamento no destino actual do funcionario que obtivo praza producirase no prazo de tres días, contados a partir do seguinte á data de publicación desta orde no Diario Oficial de Galicia.

O prazo para a toma de posesión do novo destino será de tres días a partir do seguinte ó do cesamento, de tratarse da mesma localidade onde actualmente o funcionario preste servicios, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e o disposto na base sétima da convocatoria.

O cómputo de prazos de posesión iniciarase cando rematen os permisos ou licencias, que, se é o caso, foranlles concedidas ós interesados. Nos supostos de baixa temporal ou transitoria iniciarase a partir da correspondente alta.

Cuarto.-O xefe do centro no que cause baixa o funcionario, así como o daquel no que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión.

Quinto.-Contra esta orde, que pon fin á vía administrativa, os interesados poderán interpoñer recurso potestativo de reposición perante o conselleiro de Política Territorial, Obras Públicas e Vivenda, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o Xulgado do Contencioso-Administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 17 de xullo de 2003.

Alberto Núñez Feijóo

Conselleiro de Política Territorial, Obras Públicas

e Vivenda

ANEXO I

Apelidos e nome: Castro Cagiao, Paula.

NRP: 3264790757 A1146.

Grupo: D.

Denominación do posto de traballo: secretario/a conselleiro.

Código do posto de traballo: OT.C01.00.000.15770.010.

Centro directivo: gabinete conselleiro.

Localidade: Santiago de Compostela.

Corpo/escala: A1 xeral.

Nivel: 20.

Complemento específico: 3.990 euros.

CONSELLERÍA DE FAMILIA,

XUVENTUDE, DEPORTE

E VOLUNTARIADO