En virtude do establecido no artigo 3, do Decreto 3/1987, do 8 de xaneiro, publicado no DOG nº 12, do 20 de xaneiro, que desenvolve regulamentariamente a Lei 4/1983, do 15 de xuño, de recoñecemento da galeguidade, por proposta do conselleiro de Emigración, logo do informe favorable da Dirección Xeral de Emigración e logo de deliberación do Consello da Xunta de Galicia na súa reunión do día once de xullo de dous mil tres,
DISPOÑO:
Artigo único.-Recoñécese a galeguidade ó Centro Cultural Gallego de Francfort del Meno e.V., de Alemania.
Disposición derradeira
Este decreto entrará en vigor o día da súa publicación no Diario Oficial de Galicia.
Santiago de Compostela, once de xullo de dous mil tres.
Manuel Fraga Iribarne
Presidente
Aurelio Miras Portugal
Conselleiro de Emigración