O punto 34 da Orde do 6 de marzo de 2003 (DOG do 14 de marzo), pola que se convoca procedemento selectivo para ingreso no corpo de mestres, establece que a valoración dos méritos presentados polos aspirantes será efectuada, en nome dos tribunais por unha comisión integrada por funcionarios da Consellería de Educación e Ordenación Universitaria. Realizada esta baremación e resoltas as reclamacións, de acordo co establecido no punto 46 da citada orde, procede a súa publicación.

En consecuencia, esta dirección xeral

DISPÓN:

Primeiro.-Facer públicas na Consellería de Educación e Ordenación Universitaria e nas delegacións provinciais, o día 22 de xullo de 2003, as puntuacións definitivas do baremo establecido na Orde do 6 de marzo de 2003.

Segundo.-Contra estas puntuacións poderá interpoñerse, no prazo dun mes, recurso de alzada perante o conselleiro de Educación e Ordenación Universitaria.

Santiago de Compostela, 15 de xullo de 2003.

Severino Somoza Gómez

Director xeral de Persoal

CONSELLERÍA DE XUSTIZA, INTERIOR E ADMINISTRACIÓN

LOCAL