Por Resolución da Alcaldía do 9 de xullo de 2003, acordouse a aprobación do prego de condicións e a licitación da contratación mediante concurso con procedemento aberto, para o contrato de subministración e instalación, do que as características se sinalan de seguido:

1. Obxecto: subministración e instalación de elementos colectores solares térmicos para subministración de enerxía para auga quente sanitaria para duchas e climatización de piscina.

2. Tipo de licitación: 181.718,64 euros (IVE incluído), incluíndo tódolos custos de entrega, instalación e posta en funcionamento.

3. Partida: 5.68.

4. Prazo de execución: 2 meses.

5. Clasificación do contratista: non se esixe.

6. Lugar de presentación das proposicións e información: rexistro xeral do Concello de Xove, (Camiño Real, s/n, 27870 Xove-Lugo). Facilitarase así mesmo copia do prego de condicións en persoa, por correo electrónico (xove*fegamp.es) ou telecopia (982 59 21 54).

7. Prazo de presentación de proposicións: 13 días naturais desde a publicación no BOP de Lugo e no DOG.

8. Fianza provisional: 3.634,37 euros.

9. Fianza definitiva: 4% da adxudicación.

10. Modalidades básicas de financiamento e pagamento: subministración financiada con fondos propios, e subvenciaón plurianual de 64.800 euros, da Consellería de Innovación, Industria e Comercio.

11. Criterios de selección para a adxudicación do contrato: os sinalados no prego de condicións.

Xove, 10 de xullo de 2003.

Jesús López González

Alcalde

Manuel Díaz Sánchez

Secretario