Aprobado pola Comisión de Goberno, en sesión celebrada o día 8 de novembro de 2002, o proxecto técnico da obra do edificio de usos múltiples, fase II, confeccionado por Estudio J. Valentín Rodríguez Covela, S.L., e as bases que rexerán a contratación na comisión do 14 de maio, quedan expostos ó público nas oficinas municipais polo prazo de vinte días naturais, co fin de que poidan presentarse as reclamacións e observacións que se consideren oportunas.
Así mesmo, de conformidade co disposto no artigo 79 da LCAP anúnciase concurso, por procedemento aberto, para adxudica-las obras, conforme o seguinte contido:
1. Obxecto do contrato: a realización da obra do edificio de usos múltiples, fase II.
2. Durante do contrato: cinco meses.
3. Tipo de licitación: 120.000,00 euros.
4. Pagamento: o prezo da adxudicación farase efectivo con cargo á partida 511.60101 do orzamento municipal.
5. Publicidade dos pregos: estarán de manifesto tódolos días hábiles nas oficinas municipais, en secretaría, das 9 ás 14 horas.
6. Garantía provisional: por importe de 2.400,00 euros (2% do tipo de licitación).
7. Exposicións do prego de cláusulas administrativas: durante os vinte primeiros días naturais seguintes á publicación deste anuncio, suspendéndose a licitación en caso de impugnación.
8. Garantía defintiva: o 4% do orzamento.
9. Presentación de proposicións: durante os veinteseis días naturais seguintes á publicación do anuncio de licitación no BOP de Ourense.
10. Apertura de proposicións: terá lugar ás 13.00 horas do cuarto día hábil seguinte á conclusión do prazo para presentación das propostas.
11. Modelo de proposta: o recollido no prego de cláusulas.
Irixo, 8 de xullo de 2003.
O alcalde
Rubricado