De conformidade co previsto na base II.2.4 da Orde do 10 de decembro de 2002, pola que se convoca proceso selectivo para o ingreso no corpo de xestión da Administración da Xunta de Galicia, grupo B, escala técnica de finanzas (DOG nº 245, do 20 de decembro), e por acordo do tribunal designado para a selección dos aspirantes ó ingreso no dito corpo, adoptado na sesión que tivo lugar na data mencionada, faise público o lugar, a data e a hora nos que terá lugar o primeiro exercicio da fase de oposición e convócanse os aspirantes para o próximo día 1 de agosto, venres, ás 17 horas, na aula nova da Facultade de Dereito de Santiago de Compostela.
Os aspirantes deberán comparecer no lugar indicado media hora antes da sinalada para o comezo do exercicio, provistos de DNI ou documento fidedigno acreditativo da súa identidade, lapis do nº 2 e goma de borrar.
Santiago de Compostela, 27 de xuño de 2003.
José Luis Veiga Castiblánquez
Presidente do tribunal