Convocada a provisión, polo sistema de libre designación, de dous postos de traballo vacantes na Consellería da Presidencia, Relacións Institucionais e Administración Pública, por Orde do 21 de maio de 2003 (DOG nº 113, do 12 de xuño), en uso das facultades e atribucións conferidas no artigo 15.4º da Lei 4/1988, do 26 de maio, da función pública de Galicia, modificada pola Lei 3/1995, do 10 de abril, e de conformidade co disposto no artigo 27.2º
da referida lei, esta consellería, dispón resolve-la citada convocatoria de acordo cos seguintes puntos:
Primeiro.-Adxudicarlle destino no posto de traballo que se indica ó funcionario que se relaciona no anexo I desta orde.
Segundo.-O cesamento no destino actual do funcionario que obtivo praza producirase no prazo de tres días, contados a partir do seguinte ó da data de publicación desta orde no Diario Oficial de Galicia.
O prazo para a toma de posesión do novo destino será de tres días a partir do seguinte ó do cesamento, de tratarse da mesma localidade onde actualmente o funcionario preste servicios, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima da convocatoria.
Terceiro.-A xefatura do centro no que cause baixa o funcionario, así como daquel no que obteña praza consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión, das que se lle dará traslado, mediante copia, á Dirección Xeral da Función Pública.
Cuarto.-Contra esta orde, que esgota a vía administrativa, os interesados poderán interpoñer potestativamente recurso de reposición ante este mesmo órgano no prazo dun mes, contado a partir do día seguinte ó da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán interpoñer recurso contencioso-administrativo ante o xulgado do contencioso-administrativo competente no prazo de dous meses contados a partir do día seguinte ó da súa publicación.
Santiago de Compostela, 10 de xullo de 2003.
Jaime Pita Varela
Conselleiro da Presidencia, Relacións Institucionais
e Administración Pública
ANEXO I
NRP: 33268138 13 A2060.
Grupo: A.
Apelidos e nome: Blanco González, José Manuel.
Posto de traballo: subdirector xeral de Análise e Programación.
Nivel: 30.
Código do posto: PR.P09.00.003.15770.001.
Centro directivo: Secretaría Xeral de Relacións coa Unión Europea e Cooperación Exterior.
Localidade: Santiago de Compostela.
NRP: 32417003 35 A2060.
Grupo: A.
Apelidos e nome: Ricoy Riego, José Marcelo.
Posto de traballo: xefe do Servicio de Estudios e Coordinación.
Nivel: 28.
Código do posto: PR.P09.00.003.15770.010.
Centro directivo: Secretaría Xeral de Relacións coa Unión Europea e Cooperación Exterior.
Localidade: Santiago de Compostela.